Wuhpung wuhpawng law law wa ning baw ning la shalat ai lamang ni grai galaw wa ma ai .
ngai na myit hku nga yang gaw , nau myit nhkawn taw ai.
ningbaw ning la kaja ni kaja sha ra kadawn ai re, shalat mung shalat ra ai .tim....hpang hkan kaja ni mung naw nga ra ai le i !
Leadership training nga sha na ga ai.
Good follower training nga nna ga shi ai.
anhte law law wa ning baw ning la kaja tai na matu gaw grai shakut ai.
hkam sharang ai , myit masa dam lada ra ai, aten jaw ya ra ai, hparan chye ra ai ...amyu myu le.laisai ning baw kaja ni a lahkam hpe dep ai sha n-ga grau tsaw ai lahkam ni lu lahkam hkra shakut nga ma ai.
ngai na ning mu gaw hpang hkan kaja mung law law ra nga sai ngu mu ai.
madat mara chye ra ai, hkam mana chye ra ai , ningbaw wa hpe kaja dik ai hku madi shadaw ya ai hapng hkan kaja ni mung grai naw ra nga ai .Ningbaw wa kade kaja ai de lam woi awn sa wa tim hpang hkan kaja ni nlawm wa yang gaw gara hku mung bandung de du wa lu na nrai!
manang ni e, nanhte gaw taw hpang hkan kaja kun ? (sh)Ningbaw kaja tai na matu shakut nga ai kun ???
Adoniram Judson: Bound For Burma
2 weeks ago
Posts
2 comments:
Ningmu hkrak nga ai. Ya hpang de gaw ningbaw hte hpang hkan ngu na laksan masat na lam gaw nau n nga wa na re.
Shawng de pru dan ai wa hte kata kaw amu yawng hpe jawm galaw ai lam ni hpe chye na wa ra na re.
Ahkyak langai gaw madu gaw ningbaw i? Hpang hkan i? nga ai hpe asan sha chye na ra na re. Tsun mayu ai gaw, shara nkau hta madu gaw ningbaw rai yang rai na, shara nkau hta gaw madu gaw hpang hkan masha rai taw na re.
Japan ma ni hpe nang english laika sharin nga ai ten nang sarama re. Japan ma ni kaw na nang Japan ga bai sharin la ai ten hta gaw shanhte gaw na sara/ma ni bai rai mat sai.
(Ndai zawn chye na sawn sumru hkap la lu na matu gaw nyan hpaji ma rawng ra nga ai. Hpaji hparat hkum ai wuhpawng n rai jang, manghkang kaba jahkring hkring byin chye na re.)
Grai gawng ai masha law law hte gaw de da ai wuhpawng rai jang gaw hkap la hkan sa na yak ai. Dai wuhpawng gaw hpaji n chye yang grau sawng sai.
N bwi wa tsung na ngai tsung na byi n nga mat sai :) grai kaja ai ning mu re ngu mu mada ai ngai gaw dai hku sha mu ai, madu hkrai yawng chye ai ngu gaw kadai mung n nga ai, ahhte wp sha ni gaw shara or salang or Du ngu mying lu mat jang shara shagu dai ahrawng ahya ni hte galaw sha mayu mat ai, shagrit shagyem ai ngu ai hpe gaw malap kau sam ma ai,n chye na mung chye ai ni hpe shara jaw, madi shadaw, lam woi madun ya na mung yak ma ai, dai re ni hpe gaw ....Hpang hkang n chye ai ningbaw mana ni ngu na kung? ngai gaw bri ai hku re, naw yu yu ga le i? leadership training yu ai ni madu din hku hpe i lu zin lum la na kung ? dai kaw na hpang na re bungli gaw :)
Post a Comment