ahkang hpyi dat ai

ngai buga de naw wa sai.....Internet nnga computer taw ai shara re majaw

shaning nnan hta she bai hkrum saga yaw...manang ni yawng hpe ngwi pyaw ai Hkristmas hte

shaninng nnan rai u ga ngu shakram dat ai yaw...

Kyuhpyi dum ya rit !!!

kanig hku myit ai ???

Wuhpung wuhpawng law law wa ning baw ning la shalat ai lamang ni grai galaw wa ma ai .
ngai na myit hku nga yang gaw , nau myit nhkawn taw ai.
ningbaw ning la kaja ni kaja sha ra kadawn ai re, shalat mung shalat ra ai .tim....hpang hkan kaja ni mung naw nga ra ai le i !

Leadership training nga sha na ga ai.
Good follower training nga nna ga shi ai.
anhte law law wa ning baw ning la kaja tai na matu gaw grai shakut ai.
hkam sharang ai , myit masa dam lada ra ai, aten jaw ya ra ai, hparan chye ra ai ...amyu myu le.laisai ning baw kaja ni a lahkam hpe dep ai sha n-ga grau tsaw ai lahkam ni lu lahkam hkra shakut nga ma ai.

ngai na ning mu gaw hpang hkan kaja mung law law ra nga sai ngu mu ai.
madat mara chye ra ai, hkam mana chye ra ai , ningbaw wa hpe kaja dik ai hku madi shadaw ya ai hapng hkan kaja ni mung grai naw ra nga ai .Ningbaw wa kade kaja ai de lam woi awn sa wa tim hpang hkan kaja ni nlawm wa yang gaw gara hku mung bandung de du wa lu na nrai!

manang ni e, nanhte gaw taw hpang hkan kaja kun ? (sh)Ningbaw kaja tai na matu shakut nga ai kun ???

I HAVE .................

I have seen his eyes, the soft ones
Staring at me and saying that he will never leave me .

I have heard his voice for several times
That's doesn't make me feel annoying but encouraging my life.

I have touched his hands the warm ones
Holding my hands that he will pull me up wherever I fall down.

I have smelled the fragrance from his body
which makes me feel cozy , sweet and crazy.

I have tasted his lies, uncountable lies
Still making me forgive and keep loving even I know I have been lied.

I have done these things and these things have made me sad
I have remembered these things and these memories made me happy.

Nye a Kumhpa !

Yesu shangai wa sai.
Kanu , Kawa hte myu sha yawng pyaw ai ,kabu ma ai.
Yawng gaw ma Yesu hpe sa yu na matu kumhpa ni lajang nga ma sai.
Ngai mung Shngai wa sai ma hpe kumhpa jaw mayu ai.
Hpa sa jaw yang kaja na ta ?
Myit ai , myit ai.....
Ngai kaw shi hpe jaw na hpa nlu ai....ja gumhpraw ,sut gan, arawng aya...hpa nnga ai majaw ngai myit npyaw ai.
ngai kaw nga ai gaw,,, nmu lu ai tim....hkam sha la na mai ai baw re.

Dai majaw kaja ai, n kaja ai, hpraw ai, chyang ai, pawt ai,
simsa ai, hkam sha chye ai... nye salum hpe sha jaw na ngu daw dan sai.

Ndai kumhpa makai hpe shangai wa sai ma chyangai hpe sa jaw yang shi n-hkap la ya na mung grai tsang ai....nye a salum hpe yu kaji ya na mung tsang ai.
Tim....kumhpa gaw jaw ai wa da, hkam la ai wa da ,yawng hpe kabu shangun ai re majaw ...
ma Yesu e.....n-ging dan tim ngai na Kumhpa hpe matsan dum ai myit hte hkap la ya rit ngu......

Bai du ra ai !

Ngwi pyaw Hkristmas ten bai du ra ai
mahkawn shakawn mungkan ting kabu gara hkap tau
Belehem mare na wakang hta e shagrit shanem jamjau hkam let yubak lu anhte yawng hpe
hkyehkrang la na mungkan ntsa PRA Karai Wa a tsawra myit !

Ngwi pyaw ai Christmas ten ya bai du wa ra
Wunpawng sha ni yawng a myit mada shara
git sharen lam ni hte machyi tsinyam yawn garen ai ni yawng a matu
sharai na , shalan na , hkye mawoi la na Wunpawng Meshiya
dai ni annau ni ginra hta shangai chying hkai wa sai
myit dum ga !

Loi ai hte Yak ai

Masha langai hte chye hkat na matu loi tim salum hta shara lu na matu gaw yak nga ai.
Mara tam na , mu na matu loi tim tinang a mara hpe yin la na gaw yak nga ai.
Nsawn ai sha ga law law shaga na matu grai loi tim tengman ai hku tsun na matu yak la ai.
Tinang hpe tsawra ai ni hpe myit npyaw hkra,myit machyi hkra galaw na loi tim dai hpe bai shaprai la na matu gaw yak la ai.
Masha ni hpe mara raw ya na loi tim tinang a mara hpe raw ya na matu hpyi nem na nloi ai.
Ritkawp ni jahkrat na loi tim hkan sa na matu gaw yak ai.
Awngdang hkra shakut na matu loi tim hkrat sum ai hpe gwi gwi hkamjan lu na gaw yak ai.
Shani shagu na asak hkrunglam hta pyaw pyaw hte tawt lai na matu loi tim manu dan ai hku asak hkrng na matu gaw yak ai.
Gasadi ni jaw na matu loi tim hkan shatup na matu yak ai.
Tsawra ai ngu tsun na loi tim tsawra myit hpe aten na na madun dan lu na matu gaw yak ai.

Nang ........(JNL)

Nang
ahkang nhpyi ai sha du shang wa ai

Nang
ahkang nhpyi ai sha bai pru mat wa ai

Nang
du hkawm kau da sai salum gaw nang pru mat ai aten hta she kajawng gaja rawt hprang wa sai

tim......
Nang gaw shaga tim nna , tam tim nmu ai shara de
nja let sha hkawm mat wa sai...

Chyeju shakawn ga !!!

Aga...Htawng seng mangai ta she bai du wa sahka taw !

dum ai , dum ai....grai dum ai yaw......Buga de ...

Ya ten nga yang , hkau na hkan , i hkan mam ni myin tsawm sai...dan la shu la ,mam ni kabye la na nta shagu ngu na ram shat nnan

sha nga na sai...ngai gaw yi, sun, hkau na mung n-nga, masha ni dut ai hpe sha mari sha ra ai mare kaba kaw mau mau rai na buga

de shing ran let sha..........

Yahte tup gaw ndai myu ga na chyeju dum poi ni hta sa shang lawm (sha lawm ) taw ai majaw nta nau nkap lu ai re.

Ndai mare kaba kaw gaw tinang hkai ai kaw na Karai Kasang hpe chyeju shakawn hkung ga jaw ai nre sha alu atsu mari na hkaung ga

sak jaw ma ai...

gai gai.....manang ni e , anhte mung hpa ni wa chyeju shakawn sak nawng ya sai kun ? (bai sawn yu ga )

Asak hkrung na ahkang jaw ya ai majaw chyeju shakawn ga.

Marawp na nbung hpe FREE jaw ya ai majaw chyeju shakawn ga.

Shat nlu sha tim hkawsoi jahkraw ni naw lu sha ai majaw chyeju shakawn ga.

Sumtsaw nlu tim,grai tsun jahta na manaw manang ni jaw da ya ai majaw chyeju shakawn ga.

Beer nlu lu tim HKA lu lu ai majaw chyeju shakawn ga..

Nta nlu tim yup na shara mi lu ai majaw chyeju shakawn ga..

Yakhkak ai ,jam jau ai, myit ru ten ni hpe tawt lai na ngun jaw ya ai majaw chyeju shakawn ga .

Gai.....SHI chyeju ni gaw sawn magang law magang sha re i !

Tsawra ai manang ni yawng mung ndai zawn re chyeju dum shata ( mangai ta ) hta tinang buga ginra de grai marit nga na re kam ai.

Tinang nga ai shara , galaw ai amu mahkra,myit mang ai lam mahkra, lagaw lahkam shagu hta Karai Kasang a CHYEJU hte hpring zup

nga lu u ga ...ngai MPA myit dum kyuhpyi dat ai yaw....

Citizen Journalist

Manang ni hpe Citizen Journalist a lam loi tsun dan na.
chyesai ni mung nga na re tim ngaizawn zawn re ya she chye na wa ai ni a matu yaw !

Galaw ang ai , myit ang ai , tsun ang ai ni hpe ngalaw ,nmyit, ntsun ai gaw mara galaw ai lam re da (Ref; Minshut)
Tinang chye da ai hpaji ,shiga ni hte atsam maraini hpe masha ni hpe sahrin ya, garan kachyan ya ai a marang e dai masha ni gaw empower byin wa ai hpe Citenzin Journalist ngu tsun ai re.Bai..tinang mung matut hkaja let maga mi de mung kalang ta garan kachyan ya taw ai ladat re .

why I am here on earth ngu ai gasan hpe mung bai sumru yu yang
-jagumhpraw a matu
-arawng aya a matu
-myiman lu na matu.....

gara hku mi asak hrung hkrug, tinang galaw ai magam gaw tinang a nta masha , manaw manang ,makau grup yin ni hpe myit pyaw shangun nga ai kun ????
lama wa, tinang a majaw shanhte ni myit ru ra , myit npyaw na lam ni sha byin taw yang gara hku bai matut galaw sa wa na ????

Anhte Ramma ni gaw grai naw ram ai(atsam rawng ai ) aten re majaw ja gumhpraw mat mat na (sum mat na ), nlu na anhte a Future gaw htum mat na nre.
Anhte a hkamsha chye ai masin salum ni amu ngalaw mat yang she anhte a shawng lam myit mada shara mung mat na re.

Tinang kaw nga taw ai (rawng raw ai ) atsam amrai ni hpe njai lang ai sha masha wa hpe sha yu kaba let masha wa galaw ai hpe sha nbung bung hkra hkan shalut taw yagn gaw tinang a Identity mung mat mat nna copy masha sha rai mat na sai.Original galoi mung byin wa na nre.
Dai majaw mungdan langai galai shai /galu kaba wa na matu gaw mung chying masha shagu ai myit masin salum (myit masa) ni kaw sha madung ai.

Anhte Ramma ni mung ya kaw na gaw ,
THE ART OF LIVING hte THE ART OF DYING hpe myit sawn shachyaw sa wa let langai hkrai gaw citizen journalist
byin tai lu u ga ngu..............

Lajin mayu ai...

Daini Lay Dauk Kan de nlung nnan sha poi sa lawm ai.

Le...Buga de na zawn gaw mam nnan shadu na Wa ni U ni gaw nsat ai

Tinang nta na shadu gun ai shat si mai ni hpe rau jawm sha ai sha re..

Tim....grai myit pyaw ai hku re...anhte ni gaw htawng ka woi ka ai....Hkristmas mahkawn ni

sharin ya ai....shani tup re.....

dai kaw na bai wa ai shaloi gaw yawng Bettery ngun ma mat ai zawn zim !

sara Jaw Gun gaw grai tsam (swe) na zawn re mahakwn ni chye woi hkawn di wa sai..

ya anhte ndai Lay Dauk Kan Education Center kaw jinghpaw laika hte English laika madung

sharin ya nga ai re....yawng gaw Volunteer re ....laika sharin ten gaw lani mi hkying hkum

masum dang sha na ai re...tim..bus jawn ai aten mahtang gaw hkying hkum 5 dang na ai .

ya anhte manang ni hku na mung Fund Rasing galaw hpang taw sai re...sa sharin ya ai

sara/ma ni hpe Taxi sha pyi lu woi jawn na matu re...

Dai kaw na mani gaw jinghpaw laika hpe grai sharawng ler hkam la ma ai.

Masha kaba ni gaw English laika hpe grau marin ma ai...hpa mi rai rai anhte galaw taw sai

amu gaw awng dang ai ngu mai tsun wa sai....

blog kaw na manang ni yawng mung ndai Lay Dauk Kan a matu jahpawt shana kyu hpyi dum

ya marit ngu..

Kyu hpyi dum ya rit...

KBC na hpung woi sara law law wa yahte gaw machye makaw hkrum ai hte nkau gaw mungdan de wa ma sai.....yahte sha mung lawu ga ginwang ningbaw Rev.Hpaula Htun La wa magang sai re.

Ya ..Rev.Lahi Gam Awng mung grai machyi hkrum taw ai
Sara gaw Nawng Nang Chyumjawng na sharin sara re...America na Dr janmau hpe gup wa ai nau nna shi ai....anhte Myu sha ni a matu grai atsam dat shakut na matu bai wa ai re...ya grai hkam nkaja taw ai majaw manaw manang ni yawng mung sara a hkamja lam matu ja ja kyu hpyi dum ya rit ngu saw lajin mayu ai .Ndai kaw nga ai hpung masha ni mung shani shana sara a matu kyuhpyi dum ya nga ai re ...

Bri let hpaji lu wa ai ....

Aga....dani gaw jawng kaw Japan sarama kaba wa Yoga woi gin sup na hkum ni grai nga pyaw mat ai.....Yoga pose mung hkam ja lam a matu ram ram akyu rawng ai she re ahka !
Anhte hpe gaw FOC hte sharin ya ai re....Breakfast mung jaw sha ...
Shani tup amu galaw ai (ma ni hte ) mung grai nan myit pyaw sim sa ai hte galaw na
shana maga de gaw France Alliance kaw gawlaw ai Mr.Vadim Tchijik na Master Violin de sa du
ai....shi gaw one man concert hpe asak 8 ning hta Moscow kaw galaw wa ai da...
masha kasha byin byin ai wa !
Anhte sa du ai ni hpe tinang ra ai mahkawn langai (sh) shaman da ai lesson hpe shawng dum
shangun ai.....dai kaw sa ai ni gaw dawraw dum grai ningtawn ai ni hkrai rai ma ai..(ngai
kaw na lai na ) masha ni dum ai hpe madat nna ngai gaw grai hkam sha wa sai.....yak dik ai
lesson ni hpe she dum dan nga a hka ! Dawraw dum ai shaning mung nlaw htum 10 ning jan
sai ni ....aga...ngai grai myit kaji mat ai zawn maga mi de gaw myit ngun mung bai lu wa ai.
Tinang hkum tinang mung grau mu mada wa ai....ngai grai naw shaman ra ai..grai naw hkaja ra
ai .....ndai dawraw hpaji hpe ya na hta grau ra marin ai (mana ra ai ) myit rawng yang she shanhte zawn byin wa na re hpe asan sha mu mada wa ai.
bai ...ngai na hand position mung shut taw ai nga na Sara gaw tsun ai...bai sharai ra sai..
Sara langai kaw sharin yang amyu mi, kaga wa gaw amyu mi hte ngai gaw gara hpe madung la ra
na hpe nchye sai...dai na gaw BRI na wa ai re....tim....mi grau mu mada wa ngu hkam sha lu
sai re.

Hpaji hting len ai lamang langai

Myit rum manang ni marai 10 gaw Yanggung mare kaba a sin praw maga de nga ai (deng 30 jan tsan ai shara) Lay Dauk Kan ngu ai mare hta hpaji garan kachyan ai lam hpe galaw hpang taw sai re...

Lay Dauk Kan mare kaw nga ai Jing hpaw wun pawng myu sha ni hpe Saturday hte Sunday hta Jinghpaw laika hte English laika hpe sa sahrin ya gai gaw ya bat 5 rai sai....ndai mare kaw na jinghpaw ni gaw moi na hpyela dingsa ni rai nna amu kaw na hkring sa ngut ai hte jinghpaw mung de bai nwa sai sha ndai mare kaw a su ya ni jaw ai lamu ga hta nga nan mat ai ni re..
shahte a kasha ni gaw mai gan amyu masha ni hte ding hku de ma ai ...yu..kashu ni a ban hta gaw jinghpaw ga mung nchye , jinghpaw lai ka gaw grau tsan sa...myen ga she shaga nga ma sai...mying gaw jinghpaw mying tim...amyu ga nchye ma ai..

dai majaw anhte myit rum manang ni hku na Lay Dauk Kan de hpaji shakat na matu myit katu wa ai re
Anhte mung grai chye dum na gaw nre ...tim...tinang chye ai hte hpe amyu sha ni hpe shalen ya mayu ai majaw ndai magam hpe galaw hpan wa sai ......

Jinghpaw mung na sai daw sai chye ni hpang de nlu htinglen ya shi tim...ya hkyak hkyak ni ai shara kaw nga taw ai ni hpe shawng garan kachyan hpang wa ai re...

Anhte lu ai muk jahpu ni, amu galaw ai ni chyawm gaw tinang lu ai salary kaw na percentage hku bang na hpang wa sai..
Dai majaw ndai Lay Dauk Kan Education Program a matu aja awa kyu hpyi myit dum ya rit ngu lajing mayu ai..
Bai ....hpaji mung jaw la marit ngu tsun htet mayu ai.

Prat masa ...

AW....prat wa nau rawt jat wa na gaw ...lam shagu gaw second mi kaw sha pyi grai shai mat sahka !

Kalang lang gaw pyi she nhkan dep kau ...shachyut magang tsang magang rai taw sai.

Prat dep ai majaw gaw (ndep tim dep hkra sahkut taw ai )lang ai arung arai , bu hpun sum li ai lam kaw na hkawt prat dep mayu sai.

Dai majaw gaw one use nga ai baw ladat ni hpe malawng lang wa ai.

Hpun palawng ni nga tim tsaw tsawm re yang rai sai...na na nlu hpun tim hpa nra ai ( Quality hpe nyu sai )

Bai....arung arai langai hpe mung na na nkam lang wa ai ( jin ai le )

Ya lang na nau nna yang rap di kau ...

Aga !!! grai she loi nga ai .... prat wa !

Anhte ni mung ndai zawn re prat hta pra sai ni re majaw gaw ya jahkring mi gan lang na matu sha myit taw sai kun ?????

Tissue langai , plastic bag ( chyut chyut aid ) zawn jahkring mi na matu akyu jashawn ngut yang kabai kau ai ni tai taw sai kun ??

Arung arai ni hpe lata la na (mari le na ) nra yang kabai kau ai gaw hpa nau nra ai....tim...masha langai hpe mung lata la na

aten na yang jin wa ai majaw kabai kau ai baw gaw ...........um myit yu hpa rai sai !!!

Hpa majaw nga yang ndai prat na shinggyim masha malawng gaw NEW ngu ai ga si hte POPULAR ngu ai hpe grai sha ra ma ai majaw le..

Gamalai langai nga ai OLD IS GOLD da...

Tim....ya gaw ....................

Hpa majaw ???

Ndai tawng marang mi tup gaw Ah Ba Di na Album kaw rawng ai mahkawn nkau mi hte madat let mana taw ai

kaja sha kalang lang gaw grai nshu nshang byin ai zawn hkam sha ai

Apartment kata kaw marawn jahtau na nga yang mung manang ni hte rau nga ai re majaw gaw....

um...yak ai... shat mung nkam sha ( Hka chaywm grai lu ai ), manang ni hte mung ga nkam shaga , hpa she hkam sha taw ai kun ???


gai..gai...manang ni e ...tsi nga yang gaw naw matsun dat marit .

Lamu Ga

Yahte sha sara Maran Hkun Seng(Alin Ein) hte KYP ngu ai (Kachin Young Professional ) kaw hkrum shaga lu ai.

KYP ngu ai gaw magam bungli galaw nga sai WP ramma ni shada ningmu ni , information ni hte current issue ni hpe tsun jahta ai

Club langai re

Bai...English ga shaga manu wa hkra (shaga gwi hkra) jawm shakut tsun ,shading sharai ,sharin la hkat ai shara langai re nga ai.

ok...ndai gaw KYP re !

ya dai sara wa tsun ai gaw Lamu ga gaw masha a Dignity re ( chyum laika kaw mung jiwa ni shadun ga ai masat shadaw hpe hkum la

kau nga tsun ai ) da.

Masha langai gaw Lamu ga nlu madu yang hpa sari mung nnga ai, masha ni yu kaji ai nga tsun ai.


Daiga sa na la na myit yu na lam pru wa ai...


Re ! Moi na kaji kawoi ni gaw tinang a Lamu ga hpe hpa hte mung n-galai kau ai ...si si htan htan makawp maga ai ni re.

(Moi Nabuk wa mung shi kaji ni jaw da ai tsabyi sun hpe hkawhkam wa manu lawlaw jaw na mari tim ndut ai ,asak hte galai kau ai )

ya anhte mung tinang a Lamu ga hpe i gaw makawp maga nga ai kun ???

grai gaw makawp maga mayu tim.....hpaji lam , sut masa lam amyu myu a majaw anhte ni bra hkawm nga sai le..

Rai tim...hpaji hkum yang , tinang kaw nga ra ai / chye ra ai ni hpe hkaja ngut yang gaw bai wa ga , tinang a nta hpe aten na na

kabai da nmai sai ,

nta madu nnga yang masha ni shang na tinang nta kaw nta madu zawn nga mat na ra ai...dai majaw amu ngut ai hte lawan she bai wa

ga...

tinang tam wa sai hpaji ni sut gan ni hte tinang nta , dinghku masha ni a rawt kaba wa na lam hta jai lang saga !


ya ngai , MPA wa myu ga kaw nga ra taw ai.. tinang a nta hte tsan ai shara kaw myit ru, myit kaji , mani dat ,hkrap dat hte nhtoi

ni hpe shalai ai ten ni na wa sai..

Lamu ga gaw masha a Dignity re nga majaw ga , apartment kaw nga ai ngai gaw dibu langai mari na ga bang da ai ...dai hpe nta

shawng kaw tawn da sai.....

hpa mi rai rai...MPA langai ga di bu mi sha pyi gaw naw madu nga ai ngu tinang hkrai myit shapyaw la ai re...


Gai looo!!!!....manang ni e , shajin ra ai ni hpe lawan shajin la , hkaja ra ai hpe kangka hkra ,tang du hkra hka ja la nhtawm

tinang nta de wa saga ....anhte nnga ai majaw masha ni anhte nta hpe grai


myi yu ju taw sai......nta masha ni mung anhte hpe grai al taw sai re yaw !!!!

Ramma

12 October ( Sunday )


Ndai bat na Sunday gaw KBC Ramma masat laban re ai.

Mungga hpe gaw KBC amu madu Paul Naw Tawng (Labya) tsun ngun jaw lai wa ai.Dai kaw na

nye a kraw kata kaw ngam ai hte hpe sharing galaw dat ai re.

Gabaw gaw - DIVE DEEPER !




1. Anhte Ramma ni gaw hkamjan lu ai atsam nga ra ai

2. Sung sung hka ja / hti / ka chye ra sai

3. Sung sung madat / tsun hkai dan chye ra sai

4. Sung sung shingjawng gwi ra ai.

5. Sung sung akyu hpyi ra ai.

6. Sung sung asak hpe bau ra ai.

( Na a brang ram prat e, nang hpe kadai mung nshatan u ga, tsun ai ga hte mung , arawn

alai hte mung , tsaw ra ai hte mung , kamsham nna choi pra ai hte mung , kamsham ai

ni a matu mara, kasi kamang tai nga mu )



Ngai langai hkrai na ning mu hpe tsun ga nga yang ,

1. Anhte Ramma ni gaw prat a demand hta hkan nna , atang ahpa sha galaw chye wa ai .

2. N-nan hpe ra sharawng ai , popular byin mayu ai .


3. lama ma hta aru jung hkra nkam galaw ai.(nbwi wa a ga hku tsun ga nga yang , ya namsi

hpun hkai ya namsi di sha mayu ai )

4. Awng dang lam de shakut sharang ai ladat hte sa na malai grau lawan ai hku du mayu ai.


5. Kaji kawoi , Kanu kawa ni tsun ai / hpaji jaw ai lam ni hpe prat ndep sai ngu mu mada

wa ai.

( Kalang lang gaw tinang nan nhkrum sha ra ai sha , masha ni hkrum lai wa sai

Experience kaw na sharin la mai ai hpe malap kau ai )



Dai majaw anhte Ramma ni mung sung sung myit sawn shachyaw ra sai (lam shagu hta )

Anhte Ramma ni gaw nawku hpung a ngun rai nga ai hpe galoi mung dum nga ra ai.

Anhte nan hten za taw yang gaw , anhte a Wuhpung wuhpawng hpe gara hku mung shalawt lu na

nre nga ai.

Ngai langai hkrai mung shakut na nmai ai , nang langai hkrai sha mung nlu shalawt ai.

Anhte yawng myit hkrum ai hte shada da hpaji jaw, n-gun jaw hkat , shadum jahprang ,shading

sharai hkat ra sai ngu mu mada nngai.

BARS ngu ai gaw ....

11 th October 2008 (Sat )


aga....ndu ai grai na mat sai MIT jawng wang de kalang bai du sai ....BARS jan mau gup la na kanau ni hpe Alunmi langai hku na sa shagrau ai re.....

nye myit ni gaw lai sai 3 , 4 ning na jawng lung ai ten ladaw ni hpe shing ran mu taw ai.

jawng sa ai lam gaw grau gyip wa ai ,maza mala mung grau law wa ai, tsingdu ni mung grau tu wa ai....aw..marang ta rai ai majaw nhten !

jawng wang kata shang wa ai hte gaw alaaa...hkumpuk chya la na matu jawng ma ni hkren rai na tsap taw sai...yawng a myin man ni gaw mani sum sai , sara ni a ,myi man ni mung myit dik myit pyaw ai nsam

ni hkrai rai nga ma ai....aw... 4 ning tup BARS ngu ai (Liberal Arts ) jawng hta chye mai ai , chye nan chye ra ai , mung kan hpaji, myit masa hpaji amyu myu sharin hkam la n-na ya gaw mung kan ga kaw daw jau na matu ,

pru hkawm ra sai aten ladaw du sai....

ya daining janmau gup la na ni a myit hta hpa rawng ai gaw atsawm nchye tim ,

ngai nan mung ndai ladaw hpe tawt lai ga ai re majaw shanhte a kraw kata hta myit mada lam ni , shawng lam hta shakut shaja na matu myit ngun hpring nga na re kam ai.

" BARS jawng ngut yang ndai zawn,lera zawn re amu lu na re yaw ! " ngu na hkrak nlu tsun tim , tinang galaw ai magam shagu hta gaw kang ka hkra ladat shaw chye ai atsam , masha law law hte ganing

hku ganawn mazum ra na , shawa man hta gwi gwi tsap lu ai myit marai machye machyang ni, myit daw ten hkrat sum ten hta hkamjan lu na atsam ni lu la na re ngu gwi gwi lu tsun ai...

BARS gaw anhte jawng ma ni yawng hpe mi hpaw ya sai, na mung na hkra galaw dat ya sai, tsun shaga chye na matu mung mahkrum madup ni grai jaw ya sai.

Anhte chyaw gaw hpaw da ya sai myi ni hpe akyu rawng ai hku mu hkra shakut ra sai

Na hpe mung ayan jasan jaseng let masha ni a hkamsha lam ni hpe tsawra myit galu kaba hte madat ya lu hkra shakut ra sai

Tsun shaga chye ai shing let hpe mung , arawn alai ni mung masha law law hpe " TSI " zawn shamai shatsai ya lu ai ni tai hkra shakut na Lit lu sai.

Dai majaw manang ni e... RAWT U , HTOI TU U !

NA A N-HTOI DU RA AI !!!!

SHANG HTING !

daina gaw grai pyaw ai ...

c box lu hpaw sai majaw

ngai na atsam hte shakut ai wa connection gaw ahkang njaw ai..

tim....Karai Kasang gaw SHANGHTIN hpe sa dat ai..(Thanks God ! )

myit galu ai hte garum la ai majaw Shanghtin hpe grai chyeju dum ai

Karai Kasang gaw grau shaman ya na re...garum shing tau chye ai myit mung matut na jaw ya na re yaw..

shang htin !!! chyeju grai kaba sai yaw...

EWA NANG N SHUT AI (daw 2 )

Karai Kasang a Yaw Shada Lam

1. Shinggyim masha ni hpe Karai Kasang hpan da ai a tsaw htum ai yaw sahda lam gaw, shada tsawra kanawn mazum mayat maya let tsawm htap ao shinggyim wuhpawng byin wa na hte,mungkan hpe nta madu kaja zawn vausin makawp maga sa wa na lit kaba hpe ap ya na matu rai nga ai.
Shaloi Karai Kasang shan hpe shaman ya nna , Karai Kasang shan hpe tsun mu ai gaw , Nan Kashu kasha shaprat nna mayat maya wa mu: ga ting hpe jahpring nna dai hpe up nga mu: nammukdara hta rawng ai nga ni a ntsa e mung , lamu kata na ntsaw e mung , ga ntsa e nsoi nsa rawng ai shamu shamawt chye ai baw mahkra a ntsa e mung a up nga mu, ngu wu ai.
(N.N 1:28)

2. Ndai yaw shada lam hpring tsup wa lu na matu shing gyim masha ni hta hpaji machye machyang nga ra ai majaw , kaja ai n kaja ai chye ginghka lu na htau li htau la nyan bawnu jaw ya ku ai namsi hpun hpe hpan dat ai hte , dai asi jpe chye sah wa hkra hpaji ninghkring Lapu hpe lam madun sharin shangun dat ai rai nga ai.

3. Namsi hpe sha ai hte ,Adam hte Ewa myi hpaw mat nna, shada La / Num nbung ai lam ni hpe mu mada wa, langai hte langai myit shang sha tswara wa nna , shada kanawn mazum nga sha chye wa ai majaw kashu kasha ngu mung mayat maya wa ai rai nga ai.Lama wa dai namsi hpe nsha hkrup yang gaw , shada myit shang sah hkat wa na hkum tsun , kadai num kadai la re pyi nchye ginghka ai du ladi masha tai, Karai Kasang ai yaw shada lam munghpring tsup wa na mung nmai byin nga ai.

4. Hpaji nchye , kaja nkaja ai mung nchye ginghhka ai rai yang , gara hku nna Karai Kasang shangun ai bungli rai nga ai mungkan hpe up hkang makawp maga sa wa na lit kaba hpe gunhpai lu na rai ta ?

5. Dai majaw Karai Kasang gaw Adam yan Ewa hpe Hpaji Gindai Edin Sun kaw hpaji sharin achyin ya ai hte, kam ram sai, hpaji chye masai nga ai hte mungkan de shi shangun ai lit hpe gunhpai sa wa lu na matu Edin sun kaw nna pru hkawm wa shangun dat ai rai nga ai.Ya prat hku tsu nga nga yang Edin Sun gaw Hpaji lam magup sumhpa hpe sharin ya nga ai jawng , College, Dakasu ni hte bung nga ai.Ga shadawn , Myen mung a Chyum dakasu Kaba rai nga ia MIT jaw D.Min, M.Th,M.Min, M.Div, M.T.S , MACS, BARS program ni jaw ya nga ia.BARS program kaw sha pyi dai ni mungkan hta chye mai ai hpaji hkum sumhpa Liberal Arts ni hpe sharin ya nga ai re. Manu dan kaja dik ai hpaji ni hpe lata la atsawm hkrak chye chyang hkra sharin hkam la ngut jang she Dakasu kaw na awng Lakmat shagrau ya ai hte tinang a dinghku, myu, mungdan, makau grupyin hpe dawjau lu na matu pru sa wa shangun nga ai re.


Ga Hpungdim

Daini mungkan hta ( Hkristan ni da, kaga Hkristan nre ai ni mi da ), Ewa hpe "Mara Kanu Ewa "mara hpe npawt hpang dat ai wa, lama ma galaw shut jang mung "Ewa a majaw rai nga ai " ngu nna lata layung madun chye nga ga ai. Dik shale , num ni hpe pyi "Ewa amyu ni" ngu nna asawng chye nga ga ai. Lahta de tsun lai wa sai hte maren , Chyum laika hta rawng ai Adam yan Ewa maumwi hpe atsawm sha bai hti yu ai shaloi gaw, Ewa hpe mara kanu ngu tsun na lam hpa nnga ai. Mara a npawt mung Ewa nre a lam asan sha chye saga ai. "Mara kanu Ewa " ngu tsun jahpoi na malai, " chyeju madu Ewa " ngu pyi shagrau sha-a ra nga ga ai. Hpa majaw ta ???

1. Karai Kasang a yaw shada lam hpe jahpring shatsup ya dat ai.

2.Karai Kasang jaw da ai shinggyim ahkaw ahkang hpe jaw ang ai hku jai lang ai.

3. Hpaji machye machyang asi a lam hpe shawng chye na ai hte dai hpe sha na matu gwi gwi daw dan ai, shi nan shawng di sha ai.

4. Tinang hkrai myi hpaw chye chyang jang rai sai ngu ai tinggyeng myit jasat n rawng ai sha, madu wa Adam hpe mung chye chyang shangun mayu ai majaw , tsawra shawang myit kaba hte garan jaw sha dat nga ai.

5. Kashu kasha mayat maya ai Dinghku , hpaji machye machyang hte gaw de sa wa ai shinggyim wuhpung wuhpawng hpe npawt woi hpang dat ai rai nga ai.

Dai majaw Ewa hpe " Nang nshut ndai ! " ngu.....
Chyeju Kaba Sai " Chyeju Madu Ewa ! " ngu....


TANG MADUN AI : AH GU SAM

EWA NANG NSHUT AI

Ndai ga-ngau gaw BARS jawngma ni shapraw ai Ziun Journal kaw na Ah Gu Sam ka da ai hpe sumtsan de nga ai manang ni yawng hti n na myit yu na matu Blog kaw mara dat ai sha re.




EWA Nang N Shut Ai

(SHYINGGYIM AHKAW AHKANG HPE JAW AI HKU LATA LA AI LAM )


Shinggyim masha ni a matu awm dawm lata la lu na ahkaw ahkang(Freedom of Choice)hta jaw ang ai hku chye lata la lu na gaw grau ahkyak nga ai re.Karai Kasang gaw anhte hpe hpan da ai hte awm dawm kata na ahkaw ahkang jaw da ai hpe Adam yan Ewa mau mwi kaw mu lu nga ai.Hkrak ai nhkrak ai, kaja ai nkaja ai, mu ai n mu ai, tsawm ai ntsawm ai , jaw ai n jaw ai lam ni hpe chye lata la ra nga ga ai .Dai zawn shinggyim ahkaw ahkng hpe atsawm jai lang kau dat ai Ewa a lam hpe kalang mi bai chyawm myit yu ga.

Hpan da ai hte lata la ai lam

1. Karai Kasang gaw shinggyim masha ni hpe shi a hkrang bung sumla hte maren hpan da ai re. (N.N 1:26-27,2)
2. Hpaji rawng dik ai lapu hpe mung hpan da nga ai.(N.N 1:25,3:1)
3. Bai Karai Kasang gaw kaja ai n kaja ai chye ginghka lu ai Machye Machyang Namsi hpun hpe mung hkai da ya ai.(N.N 2:17)
4. Karai Kasang gaw dai machye machyang namsi hpun hpe nsha lu na matu htet da ai.(N.N 2:17,3:1)
5. Dai hpe sha jang kaja ai hte n kaja ai hpe chye ginghka wa na lam ,si hkrum na lam Karai Kasang numhtet da nga ai.
(N.N 2:17, 3:3 )

Ndai maumwi mabyin hpe bai yu dat ai shaloi,

1. Shyinggyim masha hpe hpan da ai shani kaw na nan " dawdan ai hte lata la ai lam" (Decision & Choice ) jaw da sai hpe mu lu nga ai.

2. Karai Kasang gaw sun kaang na namsi hpe nmai sha ai lam sha matsun da ai. Raitim, nlu sha hkra hkum pat shing dang da ai lam nnga ai.

3. Dai hta sha jang lu la na akyu ara ni hpe pyi naw tsun dan dat wu ai.

4. Bai namsi sha ngut nna she mara chye galaw hpang wa ai nre nga ai. Karai Kasang a ga hpe nmadat ai majaw she namsi sha kau dat nga ai.Shut ai gaw shawng, sha ai gaw hpang she rai nga ai.Dai majaw namsi grai nsha shi ai kaw na masha gaw mara chye galaw nga sai lam hpe asan sha mu lu nga ai.

Hpun dai gaw sha na matu mai kaja nga ti mung , mi a matu yu chyoi nga ia mung , hpaju lu la na matu sharawng awng ai hpun rai nga ai mung , dai numsha gaw mu wu jang , dai hpun hta na asi di sha wu ai. (N.N 3:6)

5. Namsi hpe sha jang temg sha si na nga Karai Kasang tsun da ai hpe lapu gaw kaja wa n si na lam bai ninghkap tsun ai(N.N 3:4) hpe yu ai shaloi , Karai Kasang hpe shut hpyit ai lam, ninghkap ai lam(snr),mara ngu ai gaw Ewa namsi rai nsah shi ao ten kaw na pyi tau hkrau nga nga chyalu rai ngasai hpe asan sha mu lu nga ai.


Awm dawm ahkaw ahkang hte jaw ai hku lata chye ra ai lam

1. Adam hte Ewa gaw maren mara hpan da hkrum ai (N.N 1:27) rai tim , hpaji byeng ya machye machyang hpe shawng lu la ai gaw Ewa rai nga ai lam N.N 3:6 hta tsun da nga ai.

2. Hpaju du rai nga ai lapu a hpaji jaw ga hpe chyena hkrawn hkarng ai hte dai namsi hpe shawng sha kau dat nga ai .

3. Dai majaw kaja ai n kaja ai, hkrak ai n hkrak ai ,jaw ai njaw ai hpe chye ginghka lu ai hpaji machye machyang hpe lu la ai wa gaw Ewa a lata la jaw ai majaw rai nga ai.Lam mi hku tsun ga nga yang, Karai Kasang jaw da ai lata la na lam awm dawm ahkaw ahkang hpe jaw ang ai hku jai lang kau dat ai rai nga ai.

4. Lama wa dai namsi hpe sha na matu n dawdan , Lapu a hpaji jaw ai hpe nhkap la ai rai yang gaw ,dai ni anhte shyinggyim masha ni jaw ai hte n jaw ai , kaja ai hte n kaja ai hpe gara hku mung ginghka chye na nrai nga ai.

5. Tinang kadai re ai wa rai nga ai hpe (snr)tinang hkum tinang nchye mat na sha rai nga ai.
Dai shaloi hsana myi hpaw malu ai rai nna,singgu krin rai nga ma ai gaw chye ma ai, shaloi shan gaw lakum lap chyawi matut nna tinang a matu dangpai galaw ma ai.(N.N 3:7)
Dai namsi hpe sha dat nna she tinang hpa byin taw nga ai hpe asan sah chye wa nga ai . Tinang hta nhkum ntsup ra rawng nga ai lam hpe dum hprang wa ai, ra nga ai lam ni hpe chye galaw la wa ai.Tinang a sak hkrunglam a matu tinang lit chye la wa nga ai.


daw 2 bai matut ka na ....

NU

Ah Nu !

dai ni shangai nhtoi bai ladu hkrung sai i ..
shaning shagu ngu na daram Nu na makau kaw ngai ten na na nlu nga ai
Nu a shangai nhtoi shagu hta kyuhpyi myit dum ai kaw na lai na Nu hte nlu hkrum ai

Ah Nu

grai dum ai yaw...


moi ngai jawng kaji lung nga ai ten hta Nu nang ngai hpe laika sharin ya ai

ngai wa small letter (f) hpe nchye ka hkraw na NU nang grai myit daw ai hte nangi na

nhpye ni laika buk ni hpe le..wang shing gan de wiiiiiiiiii nga na kabai kau ga ai

bai...sawn hpa hpaji hpe mung nchye namai bik hkrai bik ( shingna kade she daw ma ai pyi

ndum sai )

tim...ah Nu ,nang hpe ngai grai tsawra ai yaw..

Nu nang na majaw ngai hpaji chye wa ai re

Nang na majaw ngai kaw atsam ni rawng wa ai re

Nang na majaw sha ngai ya ndai ten du hkra lu tsap ai re yaw....NU..


Nau nna ai ten hta NU hpang de ngai bai du wa na re

NU ....shani shagu myit simsa let hkawm sa lu u ga , ngai kasha myit dum kyu hpyi ya nga

ai yaw....

myit yu saga !

Yanggung ga marang grai htu ai ten anhte jinghpaw mung de gaw gahtet she gahtet nga ai

Kashung ta hta gaw kahtet wa, aten ntam marang ni mawru ni gaw du wa....agaaaaaaa,,,,,



Mali hka mung hkyet maw sai, Nga ni mung nga shara kata ma sai yaw

Mai gan myu sha ni , le.......malihkahku de gawng galang jak ni hte hkrawk sha ma wa sai le

anhte W.P mung dan gaw yawng hta na nhparang sut rai hkum dik ai rai tim anhte myu sha ni

gaw masha wa a lata de chyu shayawn ya ra taw sai....

Hpa majaw ta ????

anhte a sutgan ni hpe anhte nhkam sha lu ai

Bum ni krin sai ....laiwa sai 3 ning daram hta gaw Hkahku mung hkan kawa hpun kaba ni grai

naw tu ai she mu da yang ya gaw......kawa pyi taw mat wa sai...

Sama mahkru mung gara hku nmai prut mat sai.....malen pyen U ni mung hkring sa shara taw

mat sai .......

anhte myu sha ni sha myi pri hkrat ai nre, ya hpun kawa du sat ni mung madai nga sai,,,

hkrap nga sai.....


Anhte a buga shara ni hta anhte Myu sha ni nmai nga hkra laru ni grai bung taw sai

Nang hpang malu masha laru, hkrit tsang hpa ana zinli laru ni a marang e nji nmu hkam mana

sha ra taw sai....

ndai ten hta anhte Ramma ni hpa galaw lu na ta ?????

Hpa galaw nga a ta ???

um...grai naw ra nga ai !

um...manang ni ka da ai post ni hpe hkan hti yu na sawm yu,,,,,

shanhte galaw da ai Setting ni ,blog decoration ni hkan yu ngut yang nye myit hta lama mi

hkam sha mat sai..

aw......ngai grai naw hkaja ra ai ngu ai hpe grau dan leng ai hku mu mat ai

(jaw ai hku tsun ga nga yang , post ka na matu pyi myit daw mat ai )

tim.....kadai mung shangai wa ai kaw na ram ai nre gaw ....i rai ?

nbwi wa gaw tsun ai, ngai na blog de sa chyai yang nta madu nnga ai sha du wa ai manam

zawn hkam sha ai da....

Nta madu ngai na manam hkalum gawng kya ai lam rai sai...hpyi nem ai yaw

ya hpang gaw ngai na nta sa wa ai ni yawng hpe Hka ni Muk ni daw lu na matu shakut nga

nngai...ya gaw loi naw hka sharang ya marit !

Nye myit nga shara ....

grai marit ai law.....NANG hpe le !

Nang hte ngai tsan gang mat ai ten ni na na rai mat sai
tim.....
Nang myit galu ai hte ngia wa na aten hpe la ya ai
Nang hte ngai gaw laning mi hta she kalang hkrum lu ai i

ya ngai nga taw shara kaw ,
marang grai htu yang mung Nang hpe dum ai
shingnip nnga ai majaw kahtet yang mung Nang na shingna de lawan gagat wa mayu ai
ndai kaw gaw num ri nhkrat ai...tim....nshung ta jahpawt ni nga yang Nang hpe grau marit ai.


Nang nga ai majaw sha ngai tsawra ai ni hte hkrum lu ai....kabu lu ai
Na a marang e sha myit mada let aten ni hpe tawt lai kau lu ai re.

Nang gaw..........


Ngai kaga shara de du mat tim....nang gaw ngai hpe sadi dung let galoi mung sumsai ai hte hkap tau nga ai i !
Nang kaw du wa lu na matu aten law law jaw ra tim nang hte hkrum ai ten hta ba ai myit ni yawng hkoi mat ai
Nang hte ngai hkrum ai ten gaw laning mi hta she 7 ya dang sha rai tim....ngai le nang hpe gara hku mung malap nlu ai yaw...

Lani mi gaw nang hpang de ngai bai nhtang wa na re
Yagaw ngai shakut hkaja la ra ai lam ni a majaw nang hpe aten na na nlu jaw ai hpe nang chye na ya na re kam ai

Kade nna ai ten hta nang hte bai hkrum lu sana re majaw ya kaw na pyi ngai myit let pyaw taw ai yaw...
Shata 2 jan sha ra sai yaw....
Moi na zawn sha ngai hpe naw tau la rit ngu......

Feeling

To someone ,


When love is beside you
you don't know how valuable love is

And you are not taking care of still love is waiting for you coming
but you don't even give a single glimpse
You just make a joke and playing around

Love is so loyal to you
And wait for you along time
But you are disloyal

When you wake up from day dreaming
And searching for love
But it is too late now
LOVE is not there anymore !

Mu jut !

Nam maling kata na Hkanghki gaw hpa majaw dusat ni yawng a HKAWHKAM rai a ta ???

Ngun ja na i ?

Grai lu marawn jahkrit sha lu na i ??

Myi man nsam a majaw kun ?

Shi a arawn alai , nga sat nga sa a majaw hkun ???


Hpa majaw ta ?????????????????

shi hta na ngun ja ai hkum hkarang kaba ai Magwi gaw hpa majaw hkawhkam nbyin ai ta ?



kalang mi , Lion hte Elephant gaw pa langai mi hta Face to Face hkrum hkat ai shaloi
Lion wa gaw kalang ta ga de ding ngyawm let hpum dat ai .....shi myit kata kaw tsun dat ai gaw ,

MY DINNER !!



Masha gaw tinang hkum tinang mu chye ra ai , hkam la chye ai kaw she MADUNG re.
Masha ni a ning mu kaw tsap ai gaw myit n-gun hpe grai yawm shangun ai re

Tinang gaw masha ni gara hku mung bung na nre ....

dai majaw ...tinnang a Ruler hte sha tinang hkum tinang shadawn ga !

Masha wa hpe mung tinang a Ruler hte shadawn na hkum jahpyak , hkum mani kau !!!

Shagun Laika

Ah Wa !

Mazet Ah Wa hpe grai tsaw ra ai re yaw!

kalang lang ah wa hpe sara galaw hkrup ai lang ni mung grai law sai..
Tim...Wa nang gaw npawt ai i !

Kalang lang ngai myit daw ai ten hta Wa nang ,ngai hpe tsun shadum ai gahkaw ni ngai galoi mung nmalap ai yaw..

Wa..

nang gaw ngai na manang mung re i ..ngai na hkam sha lam mahkra hpe nang chye na ya ai.
ngai naw dum ai...kalang mi ngai masha langai a majaw myit grai hkam sha na nga npyaw nji nmu ten hta Wa nang ngai hpe shani shagu kyu hpyi ya ai ...dai masha hpe chye na ya na hte ngai na myit simsa na matu....
dai ni hpe bai myit yu dat sahgu Wa gaw ngai na matu nnga nmai nan re hpe grau hkam sha lu ai...

Wa...

nang ngai hpe kalang mung ngayet ga ai i !
shing na hta ngup ga hku sha ngai hpe chye na hkra sanlang dan chye ai
Nu ngai hpe gayet ai ten ni hta Wa gaw ngai na matu Shield tai ya ai i

Wa...

ngai hpe shani shagu lu sha lajang ya ai...amyu hkum hkra shadu jaw ai...
Ngai tsun ga ai Wa hpe , " Wa ,na majaw ngai gaw num bala she tai sana yaw " ngu yang
mani sum rai na "Nang chye galaw ai hpe Ah Wa chye ai goi...grai shadu jaw mayu ai majaw shadu jaw ai re majaw ,, num bala mung nbyin na re " da...

Wa....

nang gaw mazet a matu nhtoi mung re ai zawn shingnip kaja mung re ai yaw..

Sharing

agaaa....

post langai ka na matu nloi la ai law..manang ni e
myit gaw ( lata gaw ) grai mayu tim , connection wa mala la tawkawk rai ta na gaw..

hpa mi rai rai....shakut na ka na re...

Ndai Yangon ga kaw nga taw ai ramma ni na matu English speaking hte shada kanawn mazum lam kung jat wa u ga ngu yaw shada ai hte British Council kaw KYECC ngu mying ai conversation club mi nga a!
Batkru ya shani shagu ramma ni hkrum ai hte jahta bawng ban ai lamang rai malu ai
Dia na de gaw Yup Seng Ing kaw na Special Talk ang ai hta ngai na myit kaw ngam ai daram mi sharing galaw dat ai.

* tinang hpa byin mayu ai hpe shawng chye hkra galaw ga

* tinang hte ging dan ai hpaji hpe sha sahrin la ga

* tinang sharin da ai hpaji gaw tinang myu sha , tinang mungdan a maru mai jai lang ai
kun myit yu na she lata na sharin la ga


gai..manang ni e ,ngai gaw shi tsun mat ai lawlaw kaw na ndai ram sah lu matsing la ai

Ni ai tsan ai ga hkan nga hkawm (shakut hkawm ) taw ai manang ni yawng mung KYECC (Kachin Youth English Conversation Club ) hpe suggestion jaw mayu ai ni nga yang mung naw she ka wa marit )

Anhte Ramma ni gaw hpaji lam hta mung , kanawn mazum lam hta mung , lam amyu myu hta grai naw lahkam ra ai ni re majaw gaw ..umm....myit dat yang gaw nsa sa pyi nhkru wa ai law....

ya ndai post hpe i gaw mai shagun na kun ...she naw shakut yu ga..
nanhte mung kyuhpyi garum ya marit looo....connection hkrak na matu le...
ok !

Sharing

Tongue ,

Although you are very small , there is nothing small about the damage you can do .
Words carry with them the power of healing or a destructive capacity far greather than the POISON of any mosquito bite.


IT IS BETTER TO BITE YOUR TONGUE THAN TO LET IT BITE SOMEONE ELSE !

gara kaw ta ???

Yangung ga kaw hpun ni yawng krin mat na Bus-stop hkan jan chying chying ja taw sai
masha ni a myiman ni mung nying she nying ....

aw....shingnip nnga mat yang she shi a manu jahpu hpe grau chye na wa ai

Tsaw ra myit mung dai zawn sha rai na re i ?
Lu taw ai ten hta gaw ngawn nsawn di hkrup kau na njaw mat sai nga ai ten hta she tsawra myit hpe bai hkan tam yu yang ............................

Shagun Laika

Jinghpaw

nang nawku jawng gaw i sa nga nni ???

Shagun Laika

Joe !
Nang hpe ngai yup mang mu ai ......tim nang gaw ngai hpe nshaga ai yaw...
Laisai shaning ni hta nang na wish ni lu hti tim dai ning gaw nang na conscious ni gara de pyen taw ai hpe anhte ni nchye lu ai...Karai Kasang sha chye ai re majaw ngai gaw kyu sha chye hpyi mat ni ai.....masha ndang di lu ai hpe Karai Kasang sha dang di lu ai le i !
Kalang marang anhte manang ni a makau de nang na Soul ndu wa ai ngu kadai lu tsun na ma i ??

Nang lawan dum wa nu ga law.........

Nang bai myit dum wa na hpe nta masha ni , manang ni yawng grai myit mada ala nga ai re yaw...
Grai tsan ai de du taw yang mung lawan bai nhtang wa rit ........
Nang hpe grai matsan dum ai law ......manang wa e !

NbwiGam

manang wa e

ngai hpe ndai zawn myit galu kaba hte sara galaw ya ai majaw chye ju tauba si ram kaba sai yaw

ya hpang mung nchye nchyang ai ni hpe naw lam madun la rit....