Ndai ga-ngau gaw BARS jawngma ni shapraw ai Ziun Journal kaw na Ah Gu Sam ka da ai hpe sumtsan de nga ai manang ni yawng hti n na myit yu na matu Blog kaw mara dat ai sha re.
EWA Nang N Shut Ai
(SHYINGGYIM AHKAW AHKANG HPE JAW AI HKU LATA LA AI LAM )
Shinggyim masha ni a matu awm dawm lata la lu na ahkaw ahkang(Freedom of Choice)hta jaw ang ai hku chye lata la lu na gaw grau ahkyak nga ai re.Karai Kasang gaw anhte hpe hpan da ai hte awm dawm kata na ahkaw ahkang jaw da ai hpe Adam yan Ewa mau mwi kaw mu lu nga ai.Hkrak ai nhkrak ai, kaja ai nkaja ai, mu ai n mu ai, tsawm ai ntsawm ai , jaw ai n jaw ai lam ni hpe chye lata la ra nga ga ai .Dai zawn shinggyim ahkaw ahkng hpe atsawm jai lang kau dat ai Ewa a lam hpe kalang mi bai chyawm myit yu ga.
Hpan da ai hte lata la ai lam
1. Karai Kasang gaw shinggyim masha ni hpe shi a hkrang bung sumla hte maren hpan da ai re. (N.N 1:26-27,2)
2. Hpaji rawng dik ai lapu hpe mung hpan da nga ai.(N.N 1:25,3:1)
3. Bai Karai Kasang gaw kaja ai n kaja ai chye ginghka lu ai Machye Machyang Namsi hpun hpe mung hkai da ya ai.(N.N 2:17)
4. Karai Kasang gaw dai machye machyang namsi hpun hpe nsha lu na matu htet da ai.(N.N 2:17,3:1)
5. Dai hpe sha jang kaja ai hte n kaja ai hpe chye ginghka wa na lam ,si hkrum na lam Karai Kasang numhtet da nga ai.
(N.N 2:17, 3:3 )
Ndai maumwi mabyin hpe bai yu dat ai shaloi,
1. Shyinggyim masha hpe hpan da ai shani kaw na nan " dawdan ai hte lata la ai lam" (Decision & Choice ) jaw da sai hpe mu lu nga ai.
2. Karai Kasang gaw sun kaang na namsi hpe nmai sha ai lam sha matsun da ai. Raitim, nlu sha hkra hkum pat shing dang da ai lam nnga ai.
3. Dai hta sha jang lu la na akyu ara ni hpe pyi naw tsun dan dat wu ai.
4. Bai namsi sha ngut nna she mara chye galaw hpang wa ai nre nga ai. Karai Kasang a ga hpe nmadat ai majaw she namsi sha kau dat nga ai.Shut ai gaw shawng, sha ai gaw hpang she rai nga ai.Dai majaw namsi grai nsha shi ai kaw na masha gaw mara chye galaw nga sai lam hpe asan sha mu lu nga ai.
Hpun dai gaw sha na matu mai kaja nga ti mung , mi a matu yu chyoi nga ia mung , hpaju lu la na matu sharawng awng ai hpun rai nga ai mung , dai numsha gaw mu wu jang , dai hpun hta na asi di sha wu ai. (N.N 3:6)
5. Namsi hpe sha jang temg sha si na nga Karai Kasang tsun da ai hpe lapu gaw kaja wa n si na lam bai ninghkap tsun ai(N.N 3:4) hpe yu ai shaloi , Karai Kasang hpe shut hpyit ai lam, ninghkap ai lam(snr),mara ngu ai gaw Ewa namsi rai nsah shi ao ten kaw na pyi tau hkrau nga nga chyalu rai ngasai hpe asan sha mu lu nga ai.
Awm dawm ahkaw ahkang hte jaw ai hku lata chye ra ai lam
1. Adam hte Ewa gaw maren mara hpan da hkrum ai (N.N 1:27) rai tim , hpaji byeng ya machye machyang hpe shawng lu la ai gaw Ewa rai nga ai lam N.N 3:6 hta tsun da nga ai.
2. Hpaju du rai nga ai lapu a hpaji jaw ga hpe chyena hkrawn hkarng ai hte dai namsi hpe shawng sha kau dat nga ai .
3. Dai majaw kaja ai n kaja ai, hkrak ai n hkrak ai ,jaw ai njaw ai hpe chye ginghka lu ai hpaji machye machyang hpe lu la ai wa gaw Ewa a lata la jaw ai majaw rai nga ai.Lam mi hku tsun ga nga yang, Karai Kasang jaw da ai lata la na lam awm dawm ahkaw ahkang hpe jaw ang ai hku jai lang kau dat ai rai nga ai.
4. Lama wa dai namsi hpe sha na matu n dawdan , Lapu a hpaji jaw ai hpe nhkap la ai rai yang gaw ,dai ni anhte shyinggyim masha ni jaw ai hte n jaw ai , kaja ai hte n kaja ai hpe gara hku mung ginghka chye na nrai nga ai.
5. Tinang kadai re ai wa rai nga ai hpe (snr)tinang hkum tinang nchye mat na sha rai nga ai.
Dai shaloi hsana myi hpaw malu ai rai nna,singgu krin rai nga ma ai gaw chye ma ai, shaloi shan gaw lakum lap chyawi matut nna tinang a matu dangpai galaw ma ai.(N.N 3:7)
Dai namsi hpe sha dat nna she tinang hpa byin taw nga ai hpe asan sah chye wa nga ai . Tinang hta nhkum ntsup ra rawng nga ai lam hpe dum hprang wa ai, ra nga ai lam ni hpe chye galaw la wa ai.Tinang a sak hkrunglam a matu tinang lit chye la wa nga ai.
daw 2 bai matut ka na ....
Adoniram Judson: Bound For Burma
1 week ago
Posts
3 comments:
My comment on the Article
Ewa shut nshut gaw ngai n chye ai rai tim chyum laika (Roma) hta shawng na masha ngu ai Adam wa shut ai majaw masha myu tim yubak ningsin kata lup mat ai lam hpe gaw chyum laika hta a san sha ka da ai. Chyum laika hta shut ai ngu ka da yang shut ai, jaw ai ngu ka da yang jaw ai ngu hkam la na matu gaw ra nga ai."Mungkan na hpaji gaw Karai Kasang shawng kaw angawk ai lam sha re" nga ka da ai chyum daw mung nga nga ai.
My Comment on Banning Ziun Journal for this article.
Ziun journal gaw makam masham hpung (denomanation) langai ngai na makam hpe htawn tsun ai journal n re nga ai. Anhte Wunpawng myu sha ni kata hta byin nga ai lam ni hpe shiga jaw na, Mungkan hta byin nga ai lam ni hpe htinglen ya na, wunpawng myu sha yawng a matu shi htawn htinglen ya matu re.
Ndai journal kaw ka ai ni mung tinang a ningmu hpe laika ngau hte hkrang shapraw madun ai sha re. (Rights to have different perspectives) Dai hpe kaga hku mu mada ai wa mung Ga Htau (Rebuttal)hku nna bai mai ka nga ai. Dai she asak hkrung ai journal byin wa na re nga.
Kadun dawk tsun ga nga yang,
Ndai Controversial byin ai Article a majaw Ziun journal hpe pat kaw na malai, n bung ai ningmu hpe Ziun journal kaw bai ka bang jang ndai article hpe lu hti dat sai shawa masha ni grau mu mada wa na re ngu tsun mayu nngai.
Baw sin taw ai majaw kalang bai hti na comment bai jaw na re.
n dai zawn re myi jahpaw ai article ni lu hti wa ai majaw kabu ai, matut n na mung grau kaja ai lam ni hpe garan kachyan ya lu nga u ga.
Post a Comment