Du ra ai ...

December da !

shaning tup la ai..
kade nna ai ten hta hkrumzup lu na ...Nang hpe myit mada let
shakut nga ai Ngai ..hpe sumsai myiman hte tau la rit yaw ....

nshung ta da loo!!!

Novvember pyi bai du ra ai.
Ygn gaw kahtet ding yang re..
Jahpawt jau jau jogging galaw ten sha loi katsi ai.
shani tup kahtet , shana tup kahtet .
yup nmai ..sha nshang ...lu nngut ...
dum ai... dum ai...nta de dum ai..
Bapa ka-kang sha mayu ai..
shat nnan mung sha mayu sai..

Nye a prat ...

Shawng lam chyip chyap
Myipat na hkawm taw ai zawn
Hpang de mada yu
Garum na kadai n-pru
Ladawn na lata kata
Hka hpawt mi mung n-mu
Dai i ???
Prat ngu ai .......

Manang

Myit htum ten ni hta ngai hpe n-gun jaw ya ai
Yawn ten hta myit shalan ya ai
Myit hkiba ten hta nye makau kaw rau nga ya ai
Kabu ten hta manang tai ya ai
Myitdaw ten hta Myit mada shara jaw ya ai
Nang hpe .......
Ngai grai chyeju dum ai yaw ...

Yupmang .......

Masha ni tsun ai yupmang gaw shing gan hte shai ai da...
Tatut hta byin wa ai lam n-nga ai daram re da...tim ..ngai yupmang sha gaw mu mayu ai law ..
Prat tup nlu la ai lam hpe yupmang hta sha gaw ( jahkring sha pyi ) lu la na re le....
Yupmang kaja na , n-kaja na ngu ai gaw tatut mang yu yang she chye na nga !
Aten gadun laman hta hkam sha lu ai myit pyaw ai, myit tsang ai lam ni hpe ra sharawng let hkam la na nngai ...
kabu hpa rai tim yawnhpa rai tim.....

Tsawra ai ..... " Wa "

Shangai ya ai
Bau maka ai
Makawp maga ya ai
sharin ya ai
Myi hpaw ya ai
Na na shangun ai
Lam madun ai
Shading sharai ya ai
N-gun jaw ya ai
Myit marai bang ya ai
Dinghpring lam dawk bang ya ai
Tsawra myit hpe len shalai ya ai

" Wa "

Myit simsa nga u ga!
Myit pyaw nga u ga!
Hkam kaja nga u ga !
Kabu gara ai shangai nhtoi rai u ga !
Karai Wa shaman ya u ga !

Wa a kasha ma zet sumtsan kaw na kyu hpyi dum nga ai yaw...

Myiman ni ....

Mani sum sai,
N-ju n-dawng ai,
Matsan dum ai,
Reng dum ai,
Marai rawng ai,
Hpyinem ai,
Yu kaji ai,
Masin pawt ai,
Hkrap nga ai,

Myiman ni ...
Ngai hpe yu nga ma ai!

myit yak nga ai !

Ngai hpe tsawra ai ni hpe kau da
Ngai hpe myit mada taw ai ni hpe shing du tawn let
Ngai pru sa wa ai.

Jasam ni a lapran
N-kam tim mani shakut, masha a matu galaw shakut ya let
Dam lada dik ai masha pang lai hta lup dat ,hpungyawt dat hte
Ngai grai ba wa sai.
Ngai grai hpang gara wa sai.
Ngai lu na hka hpawt mi kanang na lu wa na ta ?

Makau grup yin na ni htu ganawng bang ai hpe mung hkam sha ra
Tinang nan a gawng kya ai marang e mung katut sha ra hte
Nye prat wa ...
N-htang ra na kun ?
Shakrip kau ra na kun ?
Hkam mana sha ra na kun ?

Myit masa ni , myit mada lam ni shai sai kun ???

Dai ni gaw myenmung masha law law wa( nkau mi sha mung rai na) malap n-mai ai nhtoi re nga ai .
ngai mung jahpawt yup rawt ai ten kaw na hpa wa mi byin na kun ngu myit kahpra let la taw ai ..tim ya shani ka-ang hkying 3 jan sai...laklai ai shi ga gaw nna shi ai....tim..myu a ahkyak ai lam ni shara ni hkan gaw balik ni zawng nga ai hpe mu lu ai.....

myu de bus jawn na sa wa yang shinggyim masha law law wa hpa n-ra ai zawn sha hkawm sa nga ma ai...n-kau mi gaw dum nhten !!! tim....malawng gaw tinang a kanbau magam bungli a marang e n-htoi ni hpe sawn chyai na, myit shang sha na ten pyi n-lu nga ai...mungkan wa gara hku ma galai shai wa tim yak yak hkak hkak tam sha ra ai mung masha ni re majaw gaw .......
shiga madat na matu aten nlu jaw , loi rau yang pyi Korea sumla hkrung yu na she grau ahkyak taw ai myit masa ni gaw n-dum shami mung masha ni a myit hta aru jung taw sai...mungdan hpe kadai wa mi woi awn tim...ahkyak gaw tinang lata shamawt yang she tinang kan hkru na re majaw kaga lam ni hpa n-kam myit mat sai....shani tup tam sha ra ai majaw puba si nga ai kaw mung masa lam myit lawm na zawn n-nga mat ni ai nga ai ni law law rai mat sai...

anhte a prat wa dai hku nan rai wa sai...
myit mada shara gaw ganang ta ???

Kunrai tai mat sai kun ?

Nye makau hta mu mada ai, byin taw ai lam ni gaw myit hten hpa , myit ru hpa lam ni sha re taw ai....nga sat nga sa , myit masa ni gaw maru marang...manu shadan ai lam ni n-bung hkat ai hpe mara ngu ntsun mayu ai..tim le...prat mahtang wa dai hku rai mat sam sai..

ngai hte rau nga ai manang jan gaw ya hkam sha ra taw sai..
dai masha hpe shi kaja wa tsawra ai re..dai hpe dai masha nan mung hkamsha chye na ai..tim...
dai masha wa na ngup kaw na bai pru ai ga hkaw ni gaw tsawra myit nrawng ai ga hkaw ga si ni hkrai rai taw sai...
kaja nga yang shi gaw dai num kasha hpe tsawra ai nre da ...matsan dum na care galaw ya ai she re da..dai hpe dai num kasha gaw tsawra ai ngu shadu shut ai she re da !
aga !!!
num kasha langai hpe ntsawra ai sha jahtum chyalai lanu lahku lakawn pawn ba ai lam hpe gaw gara hku ningmu tawn da ya ra na taw ...salum lawm ai ni yawng hkam sha chye ai hpe wa malap sai kun ???? tsawra myit hpe ya jaw dat yu ya bai la dat yu , dai hku mai di ai kun??
anhte W.P shadang sha ni kaw dai zawn re myit jasat rawng nga sai she re a hka !

Ygn hte Flue !

Yahte tup blog ka na ngu tim, na.. kaw chyu dang mat na n-ka byin ai.
hkam sha lam ni nau law mat ai majaw hpa ka na re pyi nchye mat ni ai.
hkam sha lam hkrai ka yang mung masha ni hti jin wa na sai .( tim ..ka na re )

Ygn kaw mung H1N1 ngu ai masha Flue wa grai hkrit tsang hpa rai taw ai majaw gara de mung nsa gwi , hkawm sa tim pyi ngup magap ( sugery mask ) lang na she hkawm sa nga ra ai.tim..n-shakap ai ni mung law law re law...kaja byin ga nga yang gaw anhte zawn re shani shana Bus chyu jawn hkawm ai ni gaw tsang hpa she re...
marang gaw htu dat , jan ja yang mung chying chying ja dat hte....waw shang na matu grai loi ai...ya ndai post ka nga ning len pyi kahti chyu kahti taw sai...
nmai sai..tsi lu na yup kau ra sai...hkum n-pyaw yang dum nta hte ah nu ah wa hpe grau dum wa ai law....ya ten buga kaw gara hku she rai nga sai kun ?????

Lawan !!!

Marang e
Hprawng nu law..shinggan de lam da ai hpun palawng mung n-chye hkraw
Hkrut ra ai n-ba ni mung she kahtap wa sai....
Mi hprap wan gaw sa mayu ten sa ...shat kase ai ten mung law law
madi bam bam re hpun palawng a sama mung n-dang hkam sha wa ni ai loo !
Bus n-tsa kaw jawng gaw n-mai htawng , marang gaw gayun ...
aga..ga..prat wa !

Marang e
Lawan she hprawng nu loo !!!

marang ta ..

Daini May shata 22 ya hta Yangon ga marang htu htu ai wa ...ngai gaw jawng de pyi ndu sai..
sa na matu yang hkyen ngut ai hte marang wa jaji htu bang wa na ..( lagawn ai mung lawm ai)
shani kaang ten du hkra marang nzim ai ....ngai mung nta kaw nkam rawng taw na marang makawp palawng sha hta hpun jawng kaba langai sha lang rai...shing gan de pru hkawm sai..
aga ....lam ting hka hkrai hpring , ga nem ai shara kaw na taik hkan ( flat) ni gaw hka ni htawk rai kyin nga ma ai....
Bus jawng na shwegone taing ngu ai shara de du ai shaloi gaw ....Nu e ! mali hka kaba ai zawn she re...mawdaw lam kaang hkan hka hpun la ja ja ai wa..taxi ni mawdaw kasha ni malawng n-mai hkawm sai...lam ntsa na hka gaw lahput du ai ....Bus kaba ni pyi ganoi noi jak hkring na daram she re......huuuu!!!!nloi ai loo !Ygn ga marang kaba yang nga yak la nngai!
Ngai mung Bus ntsa na yu ai hte gaw yawng madi nya ma sai..tim...marang lapran hkawm mayu na lagaw hku bai nhtang wa sai......nta du ai hte gaw she gari taw sai !!!!
ya ndai post ka taw ai shaloi gaw running nose byin taw sai....ntsa palawng kaba hpun, coffee kawk shadun let .....shinggan de gaw marang gaw pya pya hte naw htu nga ai.

Chyinghkai Nu

Nu e ,
Ngai kasha hpe kan kaw rawng ai ten kaw na ya dai ni ndai aten du hkra bau maka, sharin shaga,tsawra myit hte kaup ya ai majaw chyeju dum dik ai yaw.

Nu e ,
Ngai Kasha tsangshi awng ten hta Nu myit mada ai All D nlu wa ai majaw
ya ten du hkra myit yawn na hpe ngai tsang ai.

Nu e ,
Nang gaw ngai kasha a matu aten ntam jin jin rai tim ngai gaw manang ni hte pyaw hkawm nna Nu hpe shingdu tawn kau da ai aten ni a matu mara raw ya rit ngu hpyi nem na matu pyi nwam nngai law .

Nu e ,
Ngai kasha myit nsu , Nu hpe teng yawn shangun ai lam ni gaw hti ndang tsun nma she rai na sai...tim...

Nu e ,
Ngai hpe matsan dum tsawra shawang myit kaba hte naw tsawra la rit,naw sharin la rit,
shadum la rit,naw lakawn la rit yaw..

Nu e ,
Sumtsan ga na ngai kasha myit nsu , Nu hpe grai tsawra ai re yaw.
dai hpe sha gaw kam ya rit ngu...

manam

Nye prat hta n-myit da
Hparai me SHI du sa
Pru mat na tsang ra nga
Nang du sa yang hkum sai

Hkum wa sa
Myit mada
Nang hpe hpyinem

Tsawra myit nye tsawmyit
Salum hta ngai chyena
Ngai tsun lu ,nye tsaw myit
Salum hta nang hpe ngai tsawra ai
Nang hpe ngai grau tsaw ai.

laning mi hpring sai Nargis !

Daini anhte mungdan hta Nargis byin lai ai laning mi hpring sai.
Malap ai ni mung malap sai....dum nga ai ni mung shani shana ndai mabyin hpe dum nga ma ai.
Galai shai ai lam ni mung law law rai wa sai..kaja ai da , n-kaja ai da !
Ndai mabyin a majaw , masha law law wa shingra tara a manu hpe grau chye na wa ma ai .
Chye na ai sha naw re law....tatut hkan sa na gaw aten grai naw la ra nga ai...

LOVE

Love is like the wind
Love is like the stream
It can be danger like Tsunami
But, it can also be sink as much as it can be.

ya ngai chye na sai

Tsawra myit hpe manu daw dan ai Ngai
Tsawra myit hpe gawdin zawn htawng ai Ngai
Tsawra ai ni hpe yawn shangun ai Ngai
Tsaw myit kase sai.

Padauk Pann hte Ngai....

Aga...ya daihpawt yup rawt wa ai hte nampan sama lu nna hkuwat kaw na shinggan de chyan yu dat yang ......hkajaw poi ten hta she pu ai nampan ( Padauk pan ) wa hpun ting she pu tsawm nga a hka !!!
Kaning rai na me ya she pu si wa a ta ?
Yahte tup hkajaw poi ten hta gaw nchye pu...hkajaw poi ngut yang wa she jaji pu wa ai gaw !

Teng sha bai myit yu yang gaw shing ra tara gaw moi na hte nbung ma sai...anhte shinggyim ma sha ni mahtang ladu shalai lawhpa myit marin ai lam ni a marang e hpun kawa ni , hkashi , hkanu ni hkyet hkraw mat wa sai...bum shakrin ni law wa sai....Karai Kasang hpan da ai arung arai sut gan ni hpe nchye makawp maga ai majaw mam hkai ten du tim marang n-htu mat , Kashung ta du tim grai kahtet ai hpe hkam sha ra nga ai...

Moi gaw Padauk Pan mung lanig mi hta she kalang shi aten du yang she pu ai nampan re majaw grai sadi dung ai nampan re ngu manu shadan ma ai....ya gaw shi mung shinggyim masha ni a sadi ndung a marnag e pu mayu ai ten hta tam pu...laning mi hta (shi kam yang gaw )lahakwng masum lang mung pu ai majaw ya gaw sadi ndung ai nampan rai mat nu ai....

Ya ngai mung ndai Padauk Pan ni pu ai hpe yu let tinang hkum tinag bai myit hkrup ai gaw..
tinang a makau grupyin ,manawn manang, tinang a dinghku hte tinang hkum tinang sadi dung ai, manu dan ai masha rai nga ai kun ???

Lajin dat ai .....

Tsawra ai manang ni hpe bai garum hpyi lajin dat ai.
Manang Joseph Naw Lum gaw ya tsirung kaw na shi a dum nta de bai htawt wa sai re...
shi a hkamja lam matu home care sha galaw taw ai ....shi bai myit dum wa na matu hte gawn lajang ya nga ai nta masha ni sara wun / sara ma ni yawng a matu aja awa naw kyu hpyi dum ya rit ngu bai kahtap saw lajin dat ai yaw....

Buga shing ran ........

Laban nawku hpawng kaw na wa ai hpang nta kaw kadai mung nnga....ngai chyu sha re taw ai..
ah nu hte ah wa gaw Ygn ga kalang marang she du ai gaw nga na, jinghku jahkrum sa wa mat sai..ngai hkrai sha computer shawng kaw mau nga ai......moi lai sai ten jawngma prat hta campaign sa ai hkrun lam na sumla ni hpe yu nna .....buga de bai du mat ai zawn hkam sha mat ai......mawdaw lam nga tim nlung hkrai,hkum pup,hkumpa hkrai hpring ai an hte a Buga !!!
ya hte sha sammung de sa du kau da ai...sammung na mawdaw lam ni gaw skate pyi mai jawn na daram pri nem ai ....bum lung ai lam rai tim lam grai tsawm hkra galaw da ai hpe mu mada lu ai.....anhte jinghpaw mung de na mawdaw lam ni hpe gaw ..........

Myitkyina kaw na Sumprabum lam gaw mawdaw hte sa ga nga yang lahkawng na hte masum ya dang na ai...dai pyi marang ta nre shi ai....kaja nga yang Ygn - Mdy daram pyi ntsan ai wa....
lam nkaja ai majaw le ......mawdaw kaw masha jawn ai nre sa..masha mahtang she mawdaw hpt gang ra ai hkrun lam wa....aga !

Sumprabum kaw na Putao de sa ai lam gaw grau sawng sai....mawdaw lam nga tim mawdaw nmai hkawm ai...ga lam , nlung lam re majaw gaw marang htu yang aten ntam bum ni gyi ,hka ni kaba wa chye ai majaw lam hkawm na sa yang she grau masan sa ai hkrun lam re.....mawdaw ngu ai gaw hpyen mawdaw kaba ( hpyendap a matu lu sha htaw ai ) ni sha ndi nda tawkawk zawn gawt ra ai hkrun lam re....lamhkawm sa yang gaw mali/ manga ya dang hkawm yang she Putao de du ai hku re......dai pyi lani mi hta mile 20 jan hkawm yang she du na re yaw...

Putao kaw na Nogmung de sa na nga yang gaw lam kaw lana mi yup na lahkawng ya ngu na shani gaw du sai...ndai lam kaw gaw mying kaba ai Babu Lunghtang ngu ai bum nga ai....nat grai ja ai bum re da....tu ai hpun ni mung ju hpun ni hkrai...moi Inglik prat hta gala Babu langai gaw gala mungde ndai lam hku na wa ai she bum ndai kaw nat nau jahkrit ai majaw bai nhtang wa ra mat ai...dai majaw Babu lunghtang ngu ma ai da.....anhte chyawm lam dam mat ai kaw na lai nna Nogmung de apyaw sha du lu sai....
Nogmung kaw na le...lahta de HkawngLang hpu , Hkawbu de nga ai de sa na nga yang gaw bum chyu lung dat yu dat hte lam grau ntsawm sai ....nkau bum ni gaw hka makau kaw re majaw mahkyit na she lung ra ai shara ni mung law law re.....nloi ai loo!!!

Anhte W.P sha ni a buga gaw hkawm sa hkawm wa yak dik ai shara re....
Anhte a sai daw sai chyen ni hpe sa gawan mayu tim du na matu yak la ai majaw myu sha ni gaw garen gari , myit mada lam nnga ai sha pra nga ma ai....myu ga na ni mung myit gaw du tim hkum gaw nlu du ai.....

Ngai mu mada ai gaw anhte W.P buga wa Mungdan a shang gum hpraw hpe law htam shangun ai ginra rai nga ning len hpa majaw hkawm sa hkawm wa yak hkra galaw da ma ai ta ????
Namsi nam saw ni grai si ai rai tim( grate fruit , magaw si, machyawk si )dut sha na gatlawk nnga ai majaw anhte buga masha ni a sut masa lam hta mung grai hkra ai ngu mu mada lu ai........nbung li hku mung nmai htaw sha ....rai htaw na matu gaw hkum tsun masha jawn na matu pyi lekmat gaw shata hku she la ra ai prat wa....... aga ! nloi la ai loo !!!

Hpunau Hkang ni Sam ni a ginra gaw hkawm sa hkawm wa loi ai...pyaw ai....
Anhte W.P mung dan mung matut mahkai ,hkawm sa hkawm wa loi ai , mawdaw lam ni she kaja taw gaw.......

Lani mi ngu ai nhtoi du wa na matu gaw anhte Ramma ni yang a lit nan rai sai ngu hkam la ai law....

Kutkai pa de kalang ......

Ya hte tawng marang mi tup myit ru na shat she n-sha , online she n-du na daram hkam sha taw ai gaw nre law.....anhte mung dan a matut mahkai lam ning ra mat ai a marnag e majaw she re yaw manang ni e.....nbwi wa tsun ai zawn chyum laika mung hti sai..kyumung grai hpyi kau sai.......ya gaw zeng sha rai sai yaw....

Hkachyaw poi laman gaw ngai dingdung sammung Kutkai ngu ai mare de sa du chai kau da ai...hpa gaw nseng ai tim...hkau htin hpe grai dum kau sai...lama shi wa nga taw gaw , shat sha na nta langai jat na re ngu na le....

Kutkai ngu ai buga...kaning zawn re ai she rai na kun ngu grai myit mada , bum sumshi hpe mung shingran let sa wa sai......Lashio mare lai ai hte gaw bum kaji ,bum kaba lung na Thein Ni ngu ai de du....dai kaw na gaw ....nga manga Bum yawng lung kau da na she Kutkai pa de du shang wa sai....Bum sumshi ngu ai bum ni mung mawdaw lam makau kaw sha she rai nga ai....grai wa ntsan la ai zawn shadu tim sa yu yang gaw agaa....sahka she galwi na ram ba ai yaw.....bum sum shi hpring n-hpring mung sa hti da sai.....bum kaw hpun ni mung ntu ai....bum shakrin ni she rai nga a hka !

Kutkai na myukaang naw ku jawng mung ya kade nna yang dingshawn shang na sai...grai hkrak ai hku ( Korea design ) she gap da ma ai.....Ygn nawku jawng hta pyi grau kaba grau hkyik ai .....ndai ram kaba ai nawku jawng hpe grai nmu ga shi ai.....Kutkai hpung masha ni a atsam nan rai sai...nawku jawng ntsa kaw na yu dat yang Kutkai pa tin hpe asan sha mu lu ai......aw....pyaw la ai Kutkai pa !

Ngai gaw Kutkai na wa pyi nkam mat ai le.
Nbung katsi ni mung grai bung ai zawn hka mung grai lagyi ai....tim..shani shagu gaw hka shin ai re yaw......Wine ni mawau si ntsin ni gaw lu she n-ma ....hka zawn she lwi ai...
marau hpun ni ga shara shagu tu ai...malu masha ni mung hpa tsun nra hkra namchyim rawng ai...hpa sha hta sha dat tim grai mu ai ......
Karai Kasang ahkaw ahkang jaw yang gaw Kutkai ga de kalang bai lu du na re ngu myit mada let nja nhpra myit hte shakram da ra mat sai...

myit ru ai ....

yahte bat lahakwng dang rai wa sai....myit npyaw ai...
myit ru ai ....shani shagu robort zawn galaw hkawm sa ra ai prat hpe grai lau wa sai..
kade lau tim....kade nkam tim shakut ra ai prat .....galaw ra ai prat wa...
ndai zawn re ten hta nang hte ga shaga lu yang gade ram ngai n-gun lu na ..
ya nang gaw nye makau kaw n-nga ai.....
ngai hpe shakram ai gasi langai sha pyi ntsun da ai sha nang hkawm mat ai ...
ya ngai myit npyaw ai gaw nang na majaw ngu na gaw nwam tsun tim .....

Nang le .....
gara shara kaw du taw ai ta ????

chyeju dum ai.....

Myu ga kaw shangai na nga kaba wa ai ma ni hpe mu yang ngai na ma prat hpe bai myit dum wa ai.
ginsup na shara n-nga , mawdaw nsen ,wanhkuk nsa sha marawp na kaba wa ra ai myu ga na ma ni a prat wa...
shai ai ...grai nan shai ai....
Ngai kaji ten hta gaw grai ginsup lai wa sai...nta hpang kaw gaw Chyandaw Hka nga ai majaw shani shagu ngu na daram hka hpung yawt , jan kra , manang ni hte zai bru jang hkan grai pyaw lai wa sai....
Shana maga jan shang wa yang bawlung pa kaw nta makau na manang ni hte shata jan pru du hkra ginsup lai wa sai hpe ya ngai Yangon ga shata jan nmu yang dai ten hpe grai marit ai.....Ginhtawng ta hta hkahkawng mayan hkan garet hkawm na mahkaw si ni tam sha , magyeng si ni tam sha hkawm , loi ba yang hka makau na hpun shing nip hkan hkring la , shing gyim ga ni hpe la kasha manang ni gaw htu ya ...anhte num kasha ni gaw shing gyim gyin na jahkraw ......aga....pyaw la ai ma prat ten wa le .......ngai bai sum ru dat shagu myit dik ai ma prat ......

Anhte mare gaw grai mying ka ba ai re...Chyan Daw mare nga ma ai....hpa majaw mying kaba ai ta ???
ngai na Kawa ni a prat hta gaw kan ni grai dut sha ai mare re...
ya...ngai na ban hta gaw kanni nnga sai.....tim....jinghpaw tsa jet jet shapraw ai mare re....
mare ting ngu na ram tsa shadu ma ai.....hting gaw hting dang daram sha hkauna , asuya magam gun, hpung magam gun galaw ma ai.......tsa shadu , wa yaw ai hpe business hku madung galaw ma ai.....dai majaw tsa ya , kanni ya ni grai sawng ai shara re ...tim..lagu lagut ai lam gaw n-nga ai daram re....tsa sha gaw gara sum de shang dat tim gumhpraw njaw ra ai sha gawm mi gaw lu lu chyalu sha re......

Ndai zaw nre mare kaw shani shana nga kaba wa ai ngai hpe laika hti mayu ai myit bang ya ai gaw Ah Wa re...
Ah Wa gaw asuya rung kaw magam gun ai ...shabrai nlaw ai..tim...bat shagu , shata shagu pru ai Shwe Twe , Moe tauk Pann Do chyawng Tar ,zawn re ai laika ni hpe man man mari ya ai.....ngai mung ah wa rung kaw na wa yang laika buk mari wa na hpe la chye ai myit rawng wa sai......kalang lang gaw ngai hpe nan laika buk seng de woi sa na laika buk lata shangun chye ai.....ah wa hte rau lagaw leng jawn hkawm ai ten ni gaw pyaw dik ai ten ni re......
ya ngai , myu ga kaw bus hpe matsut matsat jawn ra ai ten hta Wa a lagaw leng hpe marit ai...

Jawng laika hpaji gaw tsang kaji ten grai anya ai wa re....hpa majaw nga yang , myen ga mung atsawm nchye , ngai lung ai jawng kaw jinghpaw manang mung n-nga , hkrap chyu hkrap na tsang kaji hpe lai kau da sai....
Tsang langai lung ai ten hta gaw myen ga mung chye na wa sai majaw laika loi li lu hkan wa sai...
tim... ngai gaw grai nan careless byin ai ma re...Maths htai yang galoi mung amat hpring nlu ai...aw ra kaw ra dat , ndai kaw ngam dat hte .......Maths san poi kaba htai ai shani hpe nye prat hta galoi mung malap nlu ai....ngai na careless byin ai a marang e chye nga ning len mahtai ni shut mat ai majaw nta du ai hte kawa lasik she daw ayai mat hkra gayet katut ga sai...
gayet ai gaw Ah Nu re ....dai shani kaw na Ah Nu a myit hpe ngai chyena mat ai...aw..nye nu gaw myit kadun chye ai...bai..ngai hpe hpaji grai ram shangun mayu ai...kum hpa ni mung lu shangun mayu ai myit rawng nga a hka !!!

Tsang lahakwng kaw na gaw ngai grai shakut sai....ah nu a kawa lasik hpe hkrit na sha gaw nre , ngai nan mung jawng kaw masha ni kum hpa shagrau hkrum ai mu yang , grai lu mayu wa ai....dai kaw na gaw ding yang shakut mat ai .....tsang shi awng sai...jan mau gup lu sai.....ah nu grai byin shangun mayu ai tsi sara wun wa mi nbyin tim....nlaw htum tinang a ding hku, jinghku jing yu ni hpe kabu shangun ai kasha gaw byin wa sai....ya gaw Nu a shing na lasik hpe mung nmu ga ai grai na mat sai..tim..dai shing na lasik hpe grai chyeju dum ai.....

Ndai zawn lam woi wa ai , sharin ya ai Ah Nu hte Ah Wa hpe grai chye ju dum ai.
Ya dai ni ...Nu yang Wa de wa ai Hkristan ding hku 28 ning hpring sai....
Pyaw tim yak tim ngai kasha hpe ra rawng ai lam n-nga hkra tsawra myit hte shalum ya ai...mungga hte sharin ai, malu masha hte bau rem ai, Hpaji byengya hpe galu kaba shangun ai Nu hte Wa hpe Ngai kasha tsun dang hkra chye ju dum ai yaw.....Karai Kasang kaw na myit simsa kabu gara ngwi pyaw ai shaman chyeju Nu yan Wa ntsa tut nawng anga nga u ga yaw....tsawra ai kasha kyuhpyi ya dat ai....

Karai a chyeju hte sha ....

7 th March 2009 ( Sat )

Dai ni MIT ( Myanmar Institute of Theology) ni a jawng yu poi re..
shaning shagu yu ai gaw rai tim dai ning gaw loi lak lai ai hku re.
Hpa majaw nga yang , dai ning na jawng yu poi hta anhte Jinghpaw Wunpawng myu sha marai 6 Doctor jan mau hpe lu gup la lu sai ....kaga amyu sha ni hta Dr. ni hti ndang hkra law tim anhte myu ni hta gaw hti dang sha naw re ...tim..Karai Kasang a chyeju san san hte sha hpaji chye ai ni law htam wa ai sai majaw grai kabu ai...

Doctor of Ministry janmau gup lu sai ni

1.Rev. Npawt La ( Mung Mik )
2. Rev.HKawng Lum
3.Rev.Robert Taung Si
4.Rev.Hkalam Samsun (Myitkyina)
5.Sarama Nang Htoi (YJH)
6.Sarama Ubyit Ja Bu (YJH)

ndai Dr. jan mau lu sai sara / sara num ni yawng Karai a ningsang magam hta grau shakut lu na ap nawng lu na matu mung kyuhpyi ya ga ...

Joseph Naw Lum

dai ni Pin Lone clinic de du ai..
laning mi jan malap taw ai manang hpe sa jahkrum ai re.
Joseph Naw Lum mying ai manang re...shi gaw 2007 ning october hta Ching Mai kaw cycle accident byin nna Coma ngu ai ana hpe hkam sha taw nga ai..
yahte gaw Yangon ga de bai du wa sai....Pin Lone tsi gawk kaw rawng taw ai re..
hpa mi rai rai shi ya grai hkam kaja wa sai hpe mu lu ai..
hkum ni mung shamu shamawt mai ai....ga gaw nshaga shi tim, anhte sa shaga yang gaw grai chye na ai zawn mi le le hte madat taw taw re ai....shi hpe mahkawn ni hkawn dan, ga ni shaga (jahta dan ) yang shi grai myit pyaw zawn myi man nsam hpe mu mada lu ai..
malu masha ni chyawm gaw pipe hte sha naw jaw ai re..( kan kaw waw bang da ai )

Ching Mai kaw nga taw ai manang ni hpe mung akyu matut na hpyi ya na matu kahtap na bai lajin dat ai ...sha nga, mung kan shara shagu kaw du taw ai manang ni yawng hpe mung Joe a matu myit dum let kyu hpyi ya na matu garum hpyi dat ai yaw....
shi hpe yu lajang nga ai nta masha ni a matu , tsi tsi ya nga ai doctors ni nurse ni yawng a matu mung kyu hpyi dum ya rit....
nau nna ai ten hta bai myit dum wa na hpe myit mada nga ga ai.

Nye a holiday gaw ....

Dai ni gaw Myen mungdan a Union Day nga ai nhtoi re majaw amu nsa ra ai.
Amu (jawng de )sha nsa ra ai...nta kaw galaw ra ai lam ni gaw law dik !
Yup rawt ai hte gaw wan naw sa taw ai majaw ja ji kyin ai hte hka jak hpaw , hka shalun..tim...hka nsa ai majaw le...lawu htap du hkra yu hka sa chyup...hka sa yang she htap 5 de bai lung wa ....aga..ga..!!! nloi ai loo....myu ga nga ai wa !

Hka mung shalun da na,nta san seng dun ye ,maza hta ,rai hkrut ngut nna Mg Htun Tu ga gale da ai sumraoi laika buk hti taw ai wa ,hka shalun da ai she malap hkra (ganoi she hka jak hkru mat ai )...jahpawt tup hpa mung n sha Coffee gum kaba langai sha lu na gaw hka shin ngut ai hte gaw kan kaw si wa sai...
Dai ni gaw anhte Lay Dauk Kan Education Program na sara ni outdoor pru na du na shata 6 na matu Lesson Plan sa galaw na re ...hkying 12 chyen hta sara minzai nta yawng hkrum na shat ni shadu gun let Kan Daw Gyi nga ai shara de sa na re...
Ngai sara Minzai nta du ai hte gaw gaya nsu shat shawng hpyi sha na she ga lu shaga ai..
Manang ni yawng hkum ai hte gaw hkying 1 htu sana ...dai ten she Kan Daw Gyi de lu sa ai..

Kan daw Gyi de du ai hte sara simsa myit gaw jahtai ni shaw , shara la bang wa sai...
La sa ai lu sha ni hpe shing du tawn let Lesson Plan shawng galaw hpang sai...
Ndai Lay Dauk Kan Education Program galaw hpang ai gaw ya shata 6 jan wa sai...ma kaji ni da, masha kaba ni mada ya gaw jinghpaw ga shaga hpang wa sai...(Ladi ngu sharin da yang lahtan hpe gaw lahpu nga mung tsun ma ai )..hkam la mayu ai myit masin rawng ai majaw ndai jinghpaw laika sharin ai lamang gaw grai awng dang ai hku re...English mung sharin ai...class 5 (level)garan let sharin taw sai.... yawng gumhpawn tsun ga nga yang ndai LDK Education Program gaw hpun kasha prut wa sai ngu mai tsun sai...tim...ndai hpun tu kaba nna asi si wa na matu hka jaw , tsing magang ai amu gaw aten na na ding yang naw salat pru let naw shakut ra nga ai....lani mi ndai program gaw lay Dauk kan kaw na masha ni nan woi awn lu na matu mung yawsha da nga ai ....
tinang na calss (level ) na matu lesson Plan ni bawng ngut ai hte gaw la sa ai lu sha ni hpe myit mi asu re nna baw she a dawk hkra kashun kashe sha..let...dai hkan garet hkawm ai sumtsaw ni hpe mung live show yu let...kan mung hpring ,myi ngun mung hpring la nna shana de hkying 5 chyen hkan she lamhkawm let Kan Daw Gyi kaw na pru wa sai...

ya ngai tsun mayu ai gaw..KYECC (Kachin Youth English Conversation Club) a lahkam nnan re nga ai ndai Lay Dauk Kan Education Program a matu , akyu hpyi ngun , ja gumhpraw ngun, masha nan ap nawng na ngun ni grai ra nga ga ai...anhte myit rum manang ni marai 10 ram hte sha hpang wa ai ndai program gaw nchye nkaw ,nhkum ntsup na re ..ningra lam ,gawng kya ai lam ni mung law law re majaw myit lawm ai ramma manawng manang ni mung anhte hpe hpaji jaw , shadum ya yang gaw grau mai kaja let grau awng dang ai hpaji sasana lamang langai rai wa na re ngu.........

P E O P L E

People everywhere love to play. But not the same games everywhere.
For example:fish fighting(Thailand),pulling game(Afghanistan),SHOGI(Japanese chess),Cock fighting(India),Cricket(British Isles).

Our tastes are as different as day is from night.The homes we build are as varied as we are.
But we all need a roof over our heads.

What makes some people laugh makes others cry.
Some of us excel at things others could never do.
Many of us like doing tings with others , while some like being by themselves.
We love and keep all sort of pets.( dogs, Cats, Ram, Pony,Rabbits,rat,Fish,Crow )
And celebrate different feasts and holidays.( Harvest Festival(Japan),Chinese New Year, Feast of St.Nicholas(Holland),Christmas,Thanksgiving )

And the things we like to eat are not the same.What people in one place consider a delicacy others would never touch, let alone eat !
And the foods some people eat or drink are forbidden to others.

We practice nine main religions and there are thousands of others as well.
( Christian , Jews, Muslims, Hindus, Buddhists, Shintoists, Confucians, Sikhs, Taoists)
Many people believe in one God... and millions of others believe in many gods. And many millions more do not believe in anything at all.

Most of us have to work for living , and there are mire different ways of doing that than you would believe.Most people work hard ,but others are lazy.And a lot of people who want to work, cannot find a job !
And some of us are rich, although most are not. And very many are desperately poor.

Almost everybody can speak.But there are 201 different main languages spoken on earth...not mention the countless variants and dialects spoken by smaller groups.And deaf people can communicate in silence ...through sign language!
Not nearly all the world's people can read and write, yet there are almost one hundred different ways of doing it.

Some people , but very few , are mighty and powerful , although most of us are not mighty at all ! We have invented a strange system of ranks, grades, and classes...Yet, we all live on the planet , breath the same air, and warm ourselves in the same sun.
And in the end we all must die !

A few of us are remembered long,long after we're gone. And even that, in countless different ways.( Christopher Columbus, William Shakespeare, Benjamin Franklin,Jesus Christ)

Six billions human beings...young and old, sick and well, happy and unhappy, kind and unkind, strong and weak .It is even strange : some people even hate others because they are unlike themselves.Because they are different .They forgot that they too would seem different if they could only see themselves through other people's eyes.
But imagine how dreadfully dull this world of ours be if everybody looked, thoughts,ate, dressed, and acted the same !

Now , isn't it wonderful that each and every and every one of us is unlike any other ???

P E O P L E

In many ways the saying " Know Yourself " is not well said.
It were more practical to say " Know other people ! "
Menander , 343-292. Greek poet.



We all know that there are lots and lots of people in the world and many more millions each year.There are now over 6,000,000,000 human beings on earth.

By the year 2050 there will be 9,000,000,000 people on earth.If we all joined hands , the line would be 5,708,806 miles long and would stretch 229 times around the equator.

Each and every one of us different from all the others. Each one a unique individual in his or her own right.

We come in all sizes and shapes : tall , short , and in between.But ,without a single exception , we all began quite small!
And we come in many colors. Even our eyes have different shapes and colors.
And noses come in every shape imaginable. So do faces, ;ops, and ears and everything else !

Think of our hair: from snow white ti pitch black...straight , curly, kinky, and wavy. And a lot of people have no hair at all !

People are funny : some with straight hair want theirs to be wavy, and others with little curls want theirs straight.

People around our world wear different clothes or none at all.
All of us want to look our best .Still , what is considered beautiful or handsome in one lace is considered ugly, and even ridiculous ,elsewhere.

Some of us are wise. Some of us are foolish. But most if us are somewhere in between.
Most people are decent, honest ,friendly,and well meaning , but some are none of these.
Some of us love noise, whereas others simply cannot stand it.
And not everybody's idea of a good time is alike.



to be continued...

hpa majaw ????

Manang ni , nanhte masu ai hkrum sha ga ai i ?
Masah ni tinang hpe masu yang kaning nga hkam sha lai wa sata ?

Tinang nan mung masha ni hpe masu tsun kau dat ai shaloi myit hta gara hku hkam sha a ta ?
White lie ngu ai masu hpan mung nga ai da ...

gara hku mi tsun tsun , masu ai gaw masu ai sha re.shut ai gaw shut ai sha re.
Ya daini ngai grai hkau ai manang langai a masu ai hpe hkrum sha ga ni ai.

dai manang hpe ngai grai hkau ai...grai kam ai...
shi ntsa ngai kalang mung nmasu ga ai...nteng ai ga hkaw mi mung ntsun ga ai..

tim....shi ngai hpe masu sai....nnan de gaw shi masu taw ai hpe ngai nchye ai...
aw..kaja sha ngai hpe grai hkau nga ahka ngu sha kam taw ai..

tim....ya bai myit yu dat yang shi ngai na shing du kaw ngai hpe kade sha mani asawng nga
na hpe ngai shinran taw ai.

Ngai grai anya ai she rai a hka!!
Masha hpe kam chye ai nye a myit hpe sha mara shagun ra sana kun ??

Shi hpe mahtang sa pawt na galaw saw ra na kun ???
ngai hpa nhcye galaw mat sai.ngai grai myit npyaw ai.

hpang jahtum gaw shi kaw na hpyi nem ai ngu ai gahkaw hte sha ngai myit dik ra sana kun ?
tinang grai hkau ai manang langai a masu ai hpe chye mat yang gara hku myit jasat hte hkam mana sha ra na kun ??????

Ngai hpe hpaji naw jaw marit.

Tsang ai

Nang myit ra ai lam hpe ngai hkan sa na
tim....ngai kaw atsam nnga ai.

Nang hkring sa shara shingnip jaw na
tim....ngai kaw arawng ni nnga ai.

shinggyim masha ni a man hta manu daw dan yang
nang lang ai Joi yawm na hpe mung grai tsang ai.

Nye a tsawra myit hpe mungkan na Joi  hte shen kau ya na mung grai tsang ai.

Tim...nang hpe ngai grai tsawra ai.

Ngai gaw......

Shat jahku lu , Hpa sha hpa sha ra ai ni hpe malap let
wo re si mai ndai si mai nka sha ai ngu sara galaw ai NGAI

Sha na hpa nnga ai majaw hka lu na sha nga ai ni hpe malap let
hpum na tsang na shana shat gam ai NGAI

Shat bang lu na matu Hkoi shap nna shadu gun let bungli sa ai ni hpe malap let
shani shagu Nga chyu lu yang she nga pyaw ai NGAI

Nta ding hku langai shata mi shalaw na ram re gumhpraw hpe
lani mi hte sha jai kau na hpe atang ahpa sha myit ai NGAI

Hka grai taw ai shara buga ni hta nga ai ni hpe malap let
Nra ai sha hka law law lang chye ai NGAI

Maza hta tam let shat ngaw shat ngam tam sha ai ni hpe malap let
Maza maw daw makau lai hkrup yang ladi pat chye ai NGAI

Tinang a hkum hta htam law law kaba ai palawng hpe she hpun ra taw ai ma ni hpe malap let
Grai hkrak sai ngu ai Brand hpe she lata mari chye ai NGAI



NGAI HPE MARA RAW YA MARIT !!!

NANG .......

Ngai yup mang mu na ahkang lu ding yang
Nye a salum ni shamu nga ding yang
Ngai nang hpe tsawra nga na.

Ngai mu mada ai
Ngai na lu ai
Ngai shaga lu ai ahkang nga ding yang
Nang hpe mu njin, shaga njin, na nsen madat njin ai yaw.

Mungkan grin nga ding sa,
Nang , asak hkrung nga ding sa
Nye a salum hta gaw NANG sha madu re yaw.

Nye A Hkrun Lam II

Hpa ji lam hte seng na gaw yawng chye chalu sha re...jawng nnga ai.
Jawng nga ai mare hkan mung sharin sara nlaw ai , nnga ai sha n-ga, nga taw sai sara ni mun
tsang shi awng ai nnga ai.Tsang 6 , 7 awng da sai ni she sara bai tai taw ai majaw gaw
anhte myu sha ni na hpaji lam gaw myit tsang shara rai nga sai..
Hkahku ga de du hkawm ai shaloi Ngum la , Hting Nan hte Sumpra bum kaw sha lapran tsang hte lahta tsang jawng nga ai hpe mu da ai...
(kaja sharin ai /nsharin ai gaw nchye ai. jawng pat ten du da ai re majaw )
Jawng ma ni mung jawng gawk de sa na malai nam de shang yang she nta ding hku a matu grau akyu nga ai ngu hkam la ma ai...

Bai...Hkahku mung na mare ni hta Ramma ni nlaw ai hpe mu mada lu ai.
Jamaw de baga ga sa ai lam na lu ai...
Asak kung sai ni hte ma kaji ni sha mare sin let ngam da ma ai.
mare ni gaw katsi katsang rai nga sai.....
Mare masha ni gaw anhte hpe grai myit mada ai re. ..shahte a buga galu kaba hkra sa ap nawng na matu hpyi shawn ma ai.
Anhte mung moi gaw hkahku mung na lam na sha na ga tim...ya gaw gara hku byin taw sai masa hpe mi hte chyaw sa mu da sai majaw myit hta grau hkra ai .

Ndai Hkahku hkrun lam gaw ngai na matu No. 1 lang na mahkrum madup re majaw mare masha ni a man hta nhtap nhtuk
tsun shaga ,hkawm sa lai ai sat lawat ni law law rai mat ni ai....
Anhte ni gaw mare langai de du shang wa ai hte ma ni hpe muk seng nga /nnga shawng san ai. ( grai sha mayu na )
Tim....ma ni gaw anhte a gasan (muk seng ) ngu ai a lachyum pyi nchye ai....shanhte a prat hta muk ngu ai hpa rai ta ??
Dai sha n-ga , mare de du shang wa yang U nga nnga mung grai lagyim yu lai wa sai. ( U hpa hpa sha na matu )
Anhte hkum anhte grai nan pu ba ai zawn hkam la kau ai.....du ai hte mare masha ni hte hkrum shaga aten law law nlu jaw ai sha tinang ba ai hpe sha jahpai ai ten ni mung law law rai sai....
Tim.....mare masha ni yawng gaw anhte ni hpe grai chye na ai hte shanhte kaw lu malu yawng hte hkap tau hka lum la ma ai........Tinang galaw lai wa sai lam ni hpe MKA de bai du wa ai shaloi she bai nhtang myit yu na grai nrai dum sai .
( grai nan gaya hpa she rai nga ai )
Dai majaw ngai gaw Hpang shaning ni hta mung Campaign bai hkawm na matu myit daw dan sai.
Hkahku hkrun lam a mahkrum madup hta lakap nna hpang shaning ni hta gaw grau shakut na matu myit da sai.

Nye a hkrun lam

16 January 2006

Nye a hkrun lam.....

2003 ning March shata hta myit run manang marai 10 hte rau Hka hku ga de hkrun lam hkawm lai wa sai.
Hkahku mung ngu ai gaw Mali hka hte Nmai hka lapran an  Mali Nmai walawng  , Mali hka hte Hkrang hka lapran na Mali Hkrang wa lawng ngu ai shara ni rai nga ai.

Anhte gaw Myitkyina mare lai Tang Hpre mare kaw na Mali hka hpe jakli hte rap nna Nmai hka hte Mali hka lapran kaw na lam hkawm ai hte Hkahku ga de mada let hkawm sa wa sai.
Du gawna hkawm da sai mare ni gaw ,

1. Hkum Tsai Tawng Yang
2. Pung Sai Yang
3. Kawng Ra
4. Bum Ra
5. Ja Htu Yang
6. Njung , Njun
7. Share Uma
8. Jingma
9. Nba Bum
10.N-Gum La
11.Dapba Daju 1
12.Nrawng Kawng
13.Law hkum
14.Ngaw Hkyet
15.Salaw Ding Ngut
16.Htingbu kawng
17.Hkin du ga
18.Bum Wang mare
19. Hting Nan mare
20.Dari Daru ( ja maw)

Ndai hkahku hkrum lam hta malap nlu ai sahra ni law law re. W.P sha ni a labau shang shara ni hkan mung du hkawm da sai. Mahtum , Njung Njun hte Naw Lang ngu ai mare ni gaw nat jaw mare ni naw rai na ai. Naw lang mare na nta law law ai shawng hta Nga , wuloi baw ni shakap da ma ai.Nta kata hkan mung Nat hkung ri kasha ni san san tawn da ma ai.Dai hkung ri kasha kaw shawng Nat hpe shaga la nna, Nat wa hpyi ai Nga , wuloi ni hpe nawng na matu gaw shing gan na Hkung ri kaba kaw she nawng jau ma ai.

Share Uma hte Hkum Boi mare Uma de sa ai hkrun lam na kadawng hte bum ni hpe gaw prat tup nmalap lu hkra nan lai di wa sai shara ni re nga ai. Shinglang she tsu, lahput she gayut na daram bum lung / yu galaw da sai majaw re.Ndai bum ni kaw na yu dat yang Mali hkrang wa lawng ngu ai sahra nin hpe summwi ni kaup nga ai lapran kaw na mu lu taw sai re.

Hka hku bum ntsa de du wa sai majaw , Chyangau U ni a nsen ni a pyaw ngawn ai nsen hte marit maroi hkap tau ai hpe hkam la lu ai.Dai hpang , Ngaw Yi hte Ngaw La ngu ai Bum lahkawng ai lapran hkyet kaw de da ai  Ngaw Hkyet ngu ai mare de du da sai. Ndai mare gaw hting gaw  6 sha nga ma ai re. Mare hta hku hku ai majaw anhte sht pyi nkatut ai , nai hte shingrun gayaung na sha lai sai.Dai mare kaw na ni shaga ai gaw " Minla " ga re . Mare na hpung sara wa she anhte hpe ga byan dan ai hku re.

Mali Nmai walawng kaw gaw mare langai hte langai nau ntsan ai majaw mare law law kaw sa du shang da lu ai re.Hkahku mung na mare baw ni hta Wudang shajun da ma ai.Dai majaw ngai gaw lamhkawm grai ba wa yang Wudang hpe sha grai mu mayu ai . Wudang mu yang mare du sana ngu ai hpe chye sai .Dai majaw ndai Hkahku hkrun lam hta gaw Wudang gaw anhte yawng a myit mada shara rai nga ai.

Anhte a sai daw sai chyen ni a kan bau magam bungli gaw hkrng yi hta mam hkai sha ai hta lai nna kaga bungli nchye galaw sha ma ai.Bu hkrawp hpun hte tsabyin hpun ni hkai da tim gat lawk nnga ai sha nga , tang du hkra mung nchye galaw sha ai hpe mu lu ai....bum langai hpe nat yang  3 ning gaw mai hkai sha sai...dai majaw 3 ning jan hta kalang yi nat ai majaw bum krin ni hkrai rai wa sai hpe myit npyaw na zawn sa mu da ai.
Tim...kawa hpun kaba ni gaw grai naw ngam ai hpe mu da ai....le..nam kata hkan moi na jiwoi ni a " Lup Hka " ngu ai hpe mung sa mu da ai re...shanhte a Lup ni gaw dawng 30 daram nan dam ai hpe mu lu ai.

bai matut na .....

2009 hte Ngai

10 January 2009

Mungkan masha ni yawng Ngwi pyaw nga mu ga yaw !!!

2008 ning gaw ngam da sai...2009 ning de myit mada lam ni law law hte ngai bai du shang wa sai ....lai sai shaning hta kabu ai, myit ru ai, myit daw ai, myit shuk ai, Karai hpe pyi malap hkra pyaw lai sai ten ni hpe bai myit dum na SHI chyeju ni hpe bai sawn yu ai....

Ngai kade wa yak hkak ai, myit ru ai nga tim, ngai hpe hkam jan tawt lai lu na myit ngun jaw ai majaw mung SHI hpe grai chyeju dum ai...

Ya ,ngai kalang mung grai ndu yu ga shi ai 2009 ning a shani shagu na asak hkrung lam hta mung SHI jaw ya na ngun hpe sha myit mada let tawt lai lu na re ngu kam nga nngai..
                   ________________________________

Ngai buga de wa na Ygn de bai du wa ai 4 ya dang na wa tim nye myit ni gaw atsawm nlu kahkyin taw nga ai....buga de chyu dum....hkrap mayu ai zawn zawn,, mani mayu ai zawn
zawn....
lamu de mada dat yang jan mung shawoi na hta grau ja taw ai zawn,
mu ai masha , arung arai , du sat, hpun ni du hkra hkraw hkraw hkra hkra ....
dai majaw ngai na matu kyu law law hpyi myit dum ya marit...
ngai mung kyu hpyi shaja ai hte  sha myit hpe shazim la nga nngai...